Video
Read full review
2019-08-25
1657 views
除了開張頭一個月光顧了一次之後，這次是相隔一年多後第二次光顧。當時仍然未有酒牌，記得係同朋友買咗大量啤酒同帶清酒想去喪食。事隔一年，而家佢嘅配套同食品量已經再有進步。事緣今日星期六休息，瞓完晏覺到7pm左右起身突然想打邊爐，諗起附近容易到達又有啲質素嘅打邊爐就喺呢度，即時打嚟訂兩位竟然都仲有。星期六價錢係$298火鍋放題加一，佢Sell有大量海鮮，所以我覺得呢個價錢係OK，就即刻落樓行過嚟。由於星期六嘅關係，去到時見個場已經爆曬，真係得返一張枱可以坐，因為嗰個位附近天花有些少滴水問題，但其實完全影響唔到我的。（我相信亦係因為咁所以我哋先有枱）之前見有食評話服務員態度好差，我今次單一體驗完全唔覺，而且總覺得佢哋相對好人。由於我八點幾先上到嚟，佢10:00就last order，個服務員同我地講有大量嘢食驚死我哋食唔切，一坐低冇耐就係咁上嘢比我地。先係刺身拼盤，加冬陰公青口同一碟炸魚。我估唔到個質素係咁理想，刺身仲要有加拿大海膽😍🤤。我食咗無耐阿姐已經問我青口需唔需要幾多盤。我哋倆口子知道應該仲有好多嘢食梗係唔加住。佢見我哋差不多消滅好刺身拼盤已即時主動幫我地安排個雞煲落嚟。入面個雞同花膠
事緣今日星期六休息，瞓完晏覺到7pm左右起身突然想打邊爐，諗起附近容易到達又有啲質素嘅打邊爐就喺呢度，即時打嚟訂兩位竟然都仲有。星期六價錢係$298火鍋放題加一，佢Sell有大量海鮮，所以我覺得呢個價錢係OK，就即刻落樓行過嚟。由於星期六嘅關係，去到時見個場已經爆曬，真係得返一張枱可以坐，因為嗰個位附近天花有些少滴水問題，但其實完全影響唔到我的。（我相信亦係因為咁所以我哋先有枱）
之前見有食評話服務員態度好差，我今次單一體驗完全唔覺，而且總覺得佢哋相對好人。由於我八點幾先上到嚟，佢10:00就last order，個服務員同我地講有大量嘢食驚死我哋食唔切，一坐低冇耐就係咁上嘢比我地。先係刺身拼盤，加冬陰公青口同一碟炸魚。我估唔到個質素係咁理想，刺身仲要有加拿大海膽😍🤤。我食咗無耐阿姐已經問我青口需唔需要幾多盤。我哋倆口子知道應該仲有好多嘢食梗係唔加住。佢見我哋差不多消滅好刺身拼盤已即時主動幫我地安排個雞煲落嚟。入面個雞同花膠量也不少，見到之前有海膽同花膠我覺得起碼已經回本咗一半。雞煲我哋揀咗唔辣，之後佢仲有一兜魚肚或豬皮狀物體加枝竹俾我哋撈落去，啲汁又係好惹味。啲阿姐成日見我哋對住個煲研究，睇唔過眼，幾次也過嚟幫我地撈，同加嘢較大細火🤣🤣。
食完雞煲之後問我地要乜湯底，即刻嚟埋個火鍋。我哋嘅惡夢之後先來，因為其實未食火鍋之前真係已經飽飽地。佢嚟個火鍋之後又有一碟牛肉丶海鮮盤丶三層架入面有各色手打丸同水餃仲有兜響鈴炸物，見到真係嚇呆，一睇就知冇可能食得晒。😨個海鮮拼盤又有蝦又有鮑魚又有蜆又有泥鯭同魷魚🦐🐙🐟雖然佢規矩係刺身同葉好肉冇得refill，但大佬咁多嘢食點refill呀。🤪由於個湯底我哋揀咗海鮮，好足料仲有條魚係入面，我哋仲心諗我哋係咪瀨咗嘢，揀咗個加錢嘅湯底，會唔會真係咁多嘢$298？我哋拼盡努力點都係食淨啲嘢，最終埋單都真係$298 +1，完全覺得係抵到痴線。加上佢個嘢飲係有自家製，並非全屬罐裝飲品，我哋認為非常impressive。
我見佢閑日呢個$298放題仲有88折，又有其他餐同蒸氣鍋，我相信我會帶埋屋企人嚟再吔過。
$330
35 views
0 likes
0 comments
Post
