Video
Read full review
2022-07-17
209 views
雖然見到新開張時嘅openrice很多位第3、4等級會員嘅食評一面倒讚賞某幾樣特定的料理時已經知道未必是實況，但見新開張一排，就算要等一段時間都照試吓啦。起初見佢本Menu都整得好靚同埋價錢唔平，所以對嘢食都有一定嘅期望。我地叫咗一碗紫蘇燒豚梅肉拉麵、鹽燒牛舌丼、炸雞軟骨、燒白鱔串同埋火炙帶子。先嚟咗火炙帶子，帶子肉都算大隻，炙燒完嘅香味都還可以，但鮮味欠奉。跟住就到白鱔串，本身食開居酒屋嘅白鱔串就係鍾意啲肉夠爽夠新鮮，魚皮一般都會燒至脆香。呢度嘅白鱔串實在令我失望，魚肉淋而不爽，魚皮一啲都唔香脆，再加上調味並非平時居酒屋鹽加黑椒，而係搽咗醬油喺面，同平時居酒屋食開嘅白鱔根本係兩回事。撇除醬油味，白鱔一啲味都冇。跟住到紫蘇燒豚梅肉拉麵，湯底比較單調、冇特別，拉麵食落口感一般，雖然係硬身，但欠缺彈性。唯一亮點係塊燒豚梅肉，係有油香。整體拉麵嘅質素似連鎖拉麵店味X，質素如何大家自行判斷。接近$100嘅價錢出面有好多更正宗更好食嘅選擇。最後到牛舌丼，正常牛舌應該咬落口感爽脆彈牙，油香味濃。奈何今次食嘅牛舌非常韌，油香之缺，完全表現出好牛舌標準嘅相反。飯亦都唔夠熱，醬汁食落似係超市買到嘅燒肉醬
起初見佢本Menu都整得好靚同埋價錢唔平，所以對嘢食都有一定嘅期望。
我地叫咗一碗紫蘇燒豚梅肉拉麵、鹽燒牛舌丼、炸雞軟骨、燒白鱔串同埋火炙帶子。
先嚟咗火炙帶子，帶子肉都算大隻，炙燒完嘅香味都還可以，但鮮味欠奉。
跟住就到白鱔串，本身食開居酒屋嘅白鱔串就係鍾意啲肉夠爽夠新鮮，魚皮一般都會燒至脆香。呢度嘅白鱔串實在令我失望，魚肉淋而不爽，魚皮一啲都唔香脆，再加上調味並非平時居酒屋鹽加黑椒，而係搽咗醬油喺面，同平時居酒屋食開嘅白鱔根本係兩回事。撇除醬油味，白鱔一啲味都冇。
跟住到紫蘇燒豚梅肉拉麵，湯底比較單調、冇特別，拉麵食落口感一般，雖然係硬身，但欠缺彈性。唯一亮點係塊燒豚梅肉，係有油香。整體拉麵嘅質素似連鎖拉麵店味X，質素如何大家自行判斷。接近$100嘅價錢出面有好多更正宗更好食嘅選擇。
最後到牛舌丼，正常牛舌應該咬落口感爽脆彈牙，油香味濃。奈何今次食嘅牛舌非常韌，油香之缺，完全表現出好牛舌標準嘅相反。飯亦都唔夠熱，醬汁食落似係超市買到嘅燒肉醬汁。
仲有餐廳免費提供嘅熱茶都顯得餐廳水準不足，這個價位的日本餐廳理應做得好少少，佢嘅質素似係茶餐廳嗰啲得茶色嘅水，淡而無味。
另外，三代目附設茶飲店，但落單時問職員能否點茶飲店的飲品時被告知不能，但我亦見到其他堂食客人能成功落單茶飲店的飲品，究竟是哪一位店員理解錯誤無從稽考，但明顯是店員內部溝通、指引不足所致。
總括而言，三代目性價比低，用此價格能在出面找到很多更好食更正宗的日本料理。我明白這間餐廳想提供非常多種類的日式料理供客人選擇，以擴闊客源。但奈何每種料理的質素都略欠水準，似乎要挽留顧客作第二次光顧有一定難度。希望餐廳能先集中火力提升某些菜式的水準，打造招牌菜，吸引回頭客才是上上之策。
Post
