Video
Read full review
2018-12-10
288 views
因為朋友仔今個聖誕會外遊慶祝，所以今日就約左o係尖少咀行下街食個飯，預祝一下。逛左一整日，諗住平平地咁食個 Christmas Set 。估唔到咁有酒店級水準，而且服務亦好周全。首先，先講講「意式凍肉拼盤」，佢由巴拿馬火腿、辣肉腸、煙三文魚、青瓜片、醃車厘茄、橄欖、火箭菜以及意式麵包棒既組合面成，其實份量係適合2-4人的，所以我哋兩個人食其實都得幾飽下。咸香既巴拿馬火腿、惹味既辣肉腸配火箭菜食，送紅酒一流。意式麵包棒，焗得脆卜卜，薄薄地咁逐啖食，好鬼滋味。佢既車厘茄係由黑椒、蒜蓉及秘製醬汁醃製而成的，酸甜之中帶有黑椒既香辣刺激感，非常開胃。第二道菜「利古里亞海鮮薄餅」，佢係由蝦肉、青口、魷魚、蜆肉、酸豆、橄欖、銀魚柳醬、焗麵包碎、蒜蓉、蕃茜、檸檬配白汁焗製而成，份量足料既Pizza不再話下，不得不提佢既餅底焗得好薄又脆(即使餅底凍左都係甩脆的，唔好淋晒)，就好似食緊薯片一樣，而且咸香味適中，真係真心讚。第三道菜「菠菜芝士意大利雲吞」，意大利雲吞釀入菠菜蓉及軟芝士，配以紅洋蔥、白酒、忌廉、巴馬臣芝士、羅勒、合桃作餡料。整道菜色製作得很精緻，雲吞既面層都鋪滿經炸過的龍蝦鬚，每一條炸至都脆卜
首先，先講講「意式凍肉拼盤」，佢由巴拿馬火腿、辣肉腸、煙三文魚、青瓜片、醃車厘茄、橄欖、火箭菜以及意式麵包棒既組合面成，其實份量係適合2-4人的，所以我哋兩個人食其實都得幾飽下。咸香既巴拿馬火腿、惹味既辣肉腸配火箭菜食，送紅酒一流。意式麵包棒，焗得脆卜卜，薄薄地咁逐啖食，好鬼滋味。
佢既車厘茄係由黑椒、蒜蓉及秘製醬汁醃製而成的，酸甜之中帶有黑椒既香辣刺激感，非常開胃。
第二道菜「利古里亞海鮮薄餅」，佢係由蝦肉、青口、魷魚、蜆肉、酸豆、橄欖、銀魚柳醬、焗麵包碎、蒜蓉、蕃茜、檸檬配白汁焗製而成，份量足料既Pizza不再話下，不得不提佢既餅底焗得好薄又脆(即使餅底凍左都係甩脆的，唔好淋晒)，就好似食緊薯片一樣，而且咸香味適中，真係真心讚。
第三道菜「菠菜芝士意大利雲吞」，意大利雲吞釀入菠菜蓉及軟芝士，配以紅洋蔥、白酒、忌廉、巴馬臣芝士、羅勒、合桃作餡料。整道菜色製作得很精緻，雲吞既面層都鋪滿經炸過的龍蝦鬚，每一條炸至都脆卜卜，而且紅危真係好有聖誕氣氛呀。唔知以為今日已經係聖誕節喇。雲吞侔湯由南瓜蓉加少少龍蝦肉煮製而成，鮮味大足，每一啖都有南瓜蓉和龍蝦肉在你口腔中跳舞狂歡一樣。
最後到「甜品拼盤」，有「朱古力心太軟」、「士多啤梨山莓果醬忌廉蛋白餅」、「檸檬果醬撻」，朱古力心太軟，軟心香軟滑溜，入口即溶。而士多啤梨山莓果醬忌廉蛋白餅則香脆威化，每一口層次分明。檸檬果醬撻清新怡人，中和返之前兩走既甜味，真係無懈可擊。
第一杯紅酒係隨餐附送的，之後我哋每人再叫左兩杯紅酒都係$38/杯，但係味道都已經好Balance，真係好抵飲呀，真心推介。另外，我哋都叫左一杯 Mango & Ginger 冰涼特飲，係由芒果蓉、乾薑水、薄荷調製成的，估唔到芒果同薑味係可以咁夾的，加埋薄荷冰涼既快感，真係【好鬼Ger 呀】。 大人小朋友都岩飲~Yeah~
Post