Video
Read full review
2022-08-18
257 views
終於可以放假同朋友食下飯，當然要放肆一下食邪惡嘅炸豬扒！吉豚屋之前都食過幾次，今次就食荃灣如心廣場分店，位置幾方便。今次可能因為過咗午飯時間，大概2:30去到唔使排隊，仲有超抵食嘅下午茶餐！｛吉列豬扒烏冬 $50｝份量正常，一個女仔食都夠飽。用咗80g豬扒，炸到外面酥脆但唔油膩，豬扒肉質都唔乾柴，伴菜有新鮮椰菜絲。主食烏冬可以揀冷或者熱，口感好滑溜、彈牙，湯底係清新嘅昆布湯，口味比較清淡。｛吉列炸蝦鰻魚丼 $55｝有兩大隻吉列炸蝦配埋滑蛋鰻魚，非常豐富，吉列蝦保持一貫水準，炸到外層金黃色，蝦肉仍然彈牙。炒蛋口感軟滑，鰻魚已切到一口大小，方便食！其他時段單點吉列豬定食都要六十幾，而家下午茶餐仲包飲品，真係幾抵食！Ü
吉豚屋之前都食過幾次，今次就食荃灣如心廣場分店，位置幾方便。今次可能因為過咗午飯時間，大概2:30去到唔使排隊，仲有超抵食嘅下午茶餐！
｛吉列豬扒烏冬 $50｝份量正常，一個女仔食都夠飽。用咗80g豬扒，炸到外面酥脆但唔油膩，豬扒肉質都唔乾柴，伴菜有新鮮椰菜絲。主食烏冬可以揀冷或者熱，口感好滑溜、彈牙，湯底係清新嘅昆布湯，口味比較清淡。
｛吉列炸蝦鰻魚丼 $55｝有兩大隻吉列炸蝦配埋滑蛋鰻魚，非常豐富，吉列蝦保持一貫水準，炸到外層金黃色，蝦肉仍然彈牙。炒蛋口感軟滑，鰻魚已切到一口大小，方便食！
其他時段單點吉列豬定食都要六十幾，而家下午茶餐仲包飲品，真係幾抵食！
Ü
Post
