梅 日本料理

Open Now

Now Closed

最近好多朋友都去日本旅行，搞到我都心思思想食日本野，見駱駝漆有間新開嘅日本餐廳，就決定上嚟試下。依度星期六晚市都唔算太多人，崴餐廳裝修充滿日本風格，啱曬三五知己一齊上嚟食飯傾計。餐廳食物選擇超級豐富，壽司、丼飯、拉麵都有，連小食嘅選擇都好多。我見餐牌嘅壽司set幾吸引，就叫咗個壽司盛盒。我朋友唔食魚生，就叫咗個丼飯set。梅壽司盛盒套餐（$139）依個壽司set超抵食，有成12件壽司，仲要大部分都係魚生。魚生件件都好厚切，特別係個帶子壽司，超級厚身，而且好鮮甜。個set仲包咗個細沙律同雞肉棒串，個沙律超多蟹籽，個雞肉串啖啖肉，完全冇因為跟餐就送就hea 人，女仔食曬成個餐都幾飽下。鹽蔥燒牛肋肉丼（$86）依個飯係我朋友叫嘅，偷食咗佢一啖個牛肋肉，個牛肋肉好淋好香，有成五塊之餘每塊都幾大塊舊，加埋撈咗蛋黃嘅飯真係好好食。個餐除咗跟個麵豉湯同沙律之外，仲有兩個泡芙做甜品，真係好抵食。