壹韓台

Open Now

Now Closed

真係好鍾意呢間餐廳喺石門搵嘢食，咁岩比我發現呢一間韓國餐廳。叫咗一個辣牛肉韓式飯卷$42，肥牛雙重芝士撈麵$43，泡菜煎餅$50，芝士辣炒年糕$44，雙拼豬肉煎餃（泡菜+香蔥）$50 。辣牛肉韓式飯卷好足料，但係唔夠辣，食得唔夠過癮。肥牛雙重芝士撈麵就普通，個撈麵仲可以，但係個肥牛太實有啲乾。至於泡菜煎餅，味道可以有午餐肉泡菜喺裏面，口感煙韌，但係太多油。另外就係芝士辣炒年糕，呢個係我最鍾意嘅，覺得夠晒辣，啲年糕同埋魚糕都好好食，同埋夠晒芝士，下次會叫大份。相平豬肉煎餃都唔錯，有八粒，朋友就話比較鍾意食泡菜，但係我鍾意食香蔥豬肉煎餃多啲，覺得好夠肉，同埋煎得唔會太油。鍾意食餃子嘅都會鍾意食。真係覺得所有食物都份量好足夠，好抵食。