Video
Read full review
2022-02-27
246 views
厚福街係尖沙咀平民美食嘅集中地，疫情爆發前呢度每日都有唔少餐廳人龍不斷，今日想同大家介紹嘅係其中一間CP值爆棚嘅「人龍店」—— 鐵火堂。餐廳主打自選魚生飯，係尖沙咀同旺角皆設有分店🤩🌟餐廳內座位唔多，疫情前起碼要係門口排15-20分鐘，由於行人路地方淺窄，條街又人山人海，排隊過程都幾逼迫，建議預先book位🌟自選項目包括飯底同刺身，餐牌上有5款飯底同大概40款刺身選擇，客人仔仲可以根據個人口味走青/蔥/姜/芥末，自由度高😝🌟壽司飯同白飯可以任添架！💁🏻♀️厚切藍鯨吞拿魚(2件)+4款自選配料飯 $108小編食左4次，4次飯底都揀黑椒三文魚飯，因為實在太好食了，三文魚碎(熟)係白飯中帶出淡淡魚香味，鹹度亦恰到好處👍🏼至於刺身方面，今次揀嘅蟹膏(+$3)好棉滑，希靈魚爽口彈牙、汁燒帆立貝唔會燒到好乾，火炙三文魚腩油脂感好重，而拖羅同印有「鐵火堂」嘅玉子燒就不過不失。食完碗飯再飲埋碗味增湯即刻飽曬！呢個價錢食到呢個份量同呢個質素，真係抵到爛。🥢Alternative抵食法午市比晚市更便宜！同樣份量70蚊有找就食到👍🏼😍整體評分味道：🌟🌟🌟🌟價錢：🌟🌟🌟🌟🌟環境：🌟🌟🌟服務態度：🌟🌟🌟inst
厚福街係尖沙咀平民美食嘅集中地，疫情爆發前呢度每日都有唔少餐廳人龍不斷，今日想同大家介紹嘅係其中一間CP值爆棚嘅「人龍店」—— 鐵火堂。餐廳主打自選魚生飯，係尖沙咀同旺角皆設有分店🤩
🌟餐廳內座位唔多，疫情前起碼要係門口排15-20分鐘，由於行人路地方淺窄，條街又人山人海，排隊過程都幾逼迫，建議預先book位
🌟自選項目包括飯底同刺身，餐牌上有5款飯底同大概40款刺身選擇，客人仔仲可以根據個人口味走青/蔥/姜/芥末，自由度高😝
🌟壽司飯同白飯可以任添架！
💁🏻♀️厚切藍鯨吞拿魚(2件)+4款自選配料飯 $108
小編食左4次，4次飯底都揀黑椒三文魚飯，因為實在太好食了，三文魚碎(熟)係白飯中帶出淡淡魚香味，鹹度亦恰到好處👍🏼至於刺身方面，今次揀嘅蟹膏(+$3)好棉滑，希靈魚爽口彈牙、汁燒帆立貝唔會燒到好乾，火炙三文魚腩油脂感好重，而拖羅同印有「鐵火堂」嘅玉子燒就不過不失。食完碗飯再飲埋碗味增湯即刻飽曬！呢個價錢食到呢個份量同呢個質素，真係抵到爛。
🥢Alternative抵食法
午市比晚市更便宜！同樣份量70蚊有找就食到👍🏼
😍整體評分
味道：🌟🌟🌟🌟
價錢：🌟🌟🌟🌟🌟
環境：🌟🌟🌟
服務態度：🌟🌟🌟
instagrammable：🌟🌟🌟🌟
鉄火堂(厚福街) TEKKA (Hau Fook Street)
地址：尖沙咀厚福街10號地舖
Post
