龍鳳食堂

Open Now

Now Closed

唔講唔知原來喺南豐紗廠附近有間地舖舖位茶餐廳，叫做龍鳳食堂。入到黎環境好企理同大間，座位寬落。伙記好快執完枱就安排我地坐卡位。餐牌有好多款式，左揀右揀最後選擇左乾炒豬扒公仔麵（$54)&豉椒排骨炒麵（$53)豬扒公仔麵嘅豬扒好大份😲塊塊都煎得好香，醃得好惹味。豬扒唔太薄，一定嘅厚度帶有嚼勁，好食呀！公仔麵亦夠爽、彈、滑！豉椒排骨炒麵用上幼身麵，啲排骨同其他配料有成一半碟咁多，十分十分足料！蒜蓉豆豉醬好香好開胃，好味到食唔停呀🤣幼麵好掛汁，真心好味食到我shu shu聲🤣黎緊有朋友都會去南豐紗廠，我已經send左呢間餐廳比佢save低黎食lu