Video
Read full review
2020-11-17
731 views
想食日本野，經過見到入邊好多人食緊，所以決定試下😁不過因為冇訂枱，所以安排咗我地坐吧枱，可以睇住師傅整野，靜靜地反而感覺幾好。落單嗰陣我地叫Menu入面既號碼，但係店員話要講菜式名落單，因為部機啲號碼同Menu唔一樣。有陣時真係唔明白點解既然唔可以講Number落單，點解又要整個Number係個Menu入邊呢。（都埋咗單睇返張單，啲號碼同個Menu一樣）三文魚彩之飯 (跟湯，沙律) $88飯上面有三文魚，煙三文魚碎，三文魚子，蟹柳絲，蛋絲、青瓜絲，睇落好豐富。我覺得煙三文魚碎好腥，最後都冇食到。而蟹柳絲係用平時打邊爐嗰啲蟹柳，所以味道好普通。個飯都算好大碗，又有跟湯同沙律，價錢都算OK。牛油炒蜆 $68第一次食牛油炒蜆，感覺上都係清酒煮蜆好味啲。不過呢碗炒蜆真係好大碟，應該大概都有30隻以上，而且唔會係得個殼無肉，隻隻都好肥好多肉。炭燒味噌豬頸肉 $68比想像中細碟，味道都算OK，加埋青檸個感覺就好似泰式既豬頸肉。京蔥雞肉 $25 (上)京蔥唔會燒到太乾，而且仲好多汁，我覺得好好味。燒雞皮 $20 (中)平時好少見到有燒雞皮食，第一次試，比想像中好食。燒牛舌 $42 (下)本來唔係叫牛
想食日本野，經過見到入邊好多人食緊，所以決定試下😁不過因為冇訂枱，所以安排咗我地坐吧枱，可以睇住師傅整野，靜靜地反而感覺幾好。
落單嗰陣我地叫Menu入面既號碼，但係店員話要講菜式名落單，因為部機啲號碼同Menu唔一樣。有陣時真係唔明白點解既然唔可以講Number落單，點解又要整個Number係個Menu入邊呢。（都埋咗單睇返張單，啲號碼同個Menu一樣）
三文魚彩之飯 (跟湯，沙律) $88
飯上面有三文魚，煙三文魚碎，三文魚子，蟹柳絲，蛋絲、青瓜絲，睇落好豐富。我覺得煙三文魚碎好腥，最後都冇食到。而蟹柳絲係用平時打邊爐嗰啲蟹柳，所以味道好普通。個飯都算好大碗，又有跟湯同沙律，價錢都算OK。
三文魚彩之飯
$88
27 views
2 likes
0 comments
牛油炒蜆 $68
第一次食牛油炒蜆，感覺上都係清酒煮蜆好味啲。不過呢碗炒蜆真係好大碟，應該大概都有30隻以上，而且唔會係得個殼無肉，隻隻都好肥好多肉。
牛油炒蜆
$68
18 views
0 likes
0 comments
炭燒味噌豬頸肉 $68
比想像中細碟，味道都算OK，加埋青檸個感覺就好似泰式既豬頸肉。
炭燒味噌豬頸肉
$68
15 views
0 likes
0 comments
京蔥雞肉 $25 (上)
京蔥唔會燒到太乾，而且仲好多汁，我覺得好好味。
燒雞皮 $20 (中)
平時好少見到有燒雞皮食，第一次試，比想像中好食。
燒牛舌 $42 (下)
本來唔係叫牛舌，係叫豬肉既。所以碟野一黎到都覺得唔似豬肉似牛肉，但係食落就冇咩牛味，味道好一般。都係到埋單果陣先知原來真係黎左牛舌。
鰻魚壽司 $48
鰻魚唔會切得太薄，所以食落去口感唔錯。
鰻魚壽司
$48
9 views
0 likes
0 comments
三文魚刺身 (5片) $68
依碟三文魚刺身同碗飯嗰啲三文魚刺身口感唔同，好明顯呢碟好味好多，雖然厚度食囉差唔多，但係味道就依碟好啲。
三文魚刺身 (5片)
$68
17 views
0 likes
0 comments
Sopporo生啤 $42
波子汽水 $23
最後原來仲有啫喱送添👍🏻👍🏻👍🏻
兩個人食咗$540，日本野黎講呢個價錢都OK，下次會再試下其他野食😆
Post
