樂天皇朝 (利舞臺廣場) (Moved) New Location

成日食上海野諗唔倒食邊間樂就會揀呢度，食物質素好穩定又唔貴！前菜｜我真係超鍾意食佢個花生，炆得好淋好入味 麻醬油麥菜｜第一次凍食油麥菜，口感非常爽脆，又唔會好重草青味，點埋芝麻醬食簡直係透心涼🥰醋醬海蜇頭｜海蜇頭好爽口，口感一流！加埋個陳醋汁酸酸地超開胃😋菠蘿咕嚕肉｜咕嚕肉炸得好香脆，豬肉係半肥瘦，肥膏位炸到半溶狀態，入口甘香🤤醬汁甜酸度岩岩好，仲有大量配菜！原味小籠包｜皮薄餡靚！一咬開有好多湯汁😍而且粒粒都包得好好唔會漏汁👍🏻上海炒飯｜炒飯粒粒分明好乾爽，有蝦、叉燒、多同菜粒，味道濃郁🥰