牛魔 (Closed)

尖沙咀牛魔晏晝行過尖沙咀棉登徑，見到牛魔入面都幾多人，一於入去食燒肉做午餐。Set lunch都十幾款，另外仲可以Á La Carte叫其他肉，價錢一啲都唔貴。我點咗個白肉3重奏套餐，有黑毛豬五花、豬頸肉同雞腿肉，貪佢乜都有啲。跟餐仲有御飯、牛骨湯同沙律。御飯上面嗰隻雞蛋黃非常新鮮，鮮橙色，撈勻喺飯度好香，紫菜又多。碗沙律同湯就正正常常，唔錯，做前菜幾好。👍嗰3款肉都有唔同食法，五花肉放落個爐度即刻逼晒啲油出嚟，食落一啲都唔覺得肥。豬頸肉就油份都幾多，慢火燒完之後食落都幾爽，有少少脆口。至於雞腿肉就切得好厚，要花啲時間慢慢去燒，如果唔係就好容易燒燶。😂套餐可以揀3款醬料，部長介紹咗黑松露燒汁、蘋果燒汁同檸檬鹽。每款醬料都可以帶出肉類嘅鮮味，真係冇介紹錯。😋😋跟餐仲有汽水或者果汁，我就叫咗可樂，原來成支上，枝裝嘅可樂味道係唔同啲嘅，值得加分。整體嚟講，喺尖沙咀旺區咁嘅價錢有咁嘅嘢食同食物質素，仲想點呀？😜