Video
Read full review
2021-08-23
271 views
有次係呢頭做完嘢想搵啲嘢食經過呢間日式餐廳有石鍋烏冬又好似幾抵食 就入去試下！餐廳外面同裡面都以木裝修為主感覺比較日式而且座位都幾多除咗石鍋烏冬仲有啲日式便當 滑蛋丼飯 小食 等等 選擇都非常多大部分都$50-$70左右仲包麵豉湯同凍熱飲品 真係幾抵食！吉列黑豚豬扒石鍋烏冬石鍋烏冬最緊要夠滾上枱嘅時候bulu bulu就最高興🤪有四種湯底 今次就揀咗泡菜湯真係有一塊塊嘅泡菜係入面好濃泡菜味味道帶辛辣 又唔太鹹烏冬亦可以揀手打烏冬或稻庭烏冬揀咗比較彈牙嘅手打烏冬食落口感煙韌好滑溜 好索湯配菜嘅吉列豬扒都好大塊炸得好脆 唔會甩皮甩骨同得炸粉肉質唔乾唔會有雪味 唔錯喎！滑蛋汁煮上級牛肉丼飯丼飯份量都幾大碗滑蛋好厚嘅一層炒得好滑 好香蛋味仲有少少蛋汁牛肉都幾多塊不過肉質就比較乾同嚡不過好在加咗好多汁煮先救返佢個汁甜甜鹹鹹 似燒肉醬加入洋蔥去煮個牛肉 幾好送飯😍整體來講以呢個價錢嚟講真係好抵食食物又唔差仲要唔收加一服務亦都唔差性價比幾高！如果經開太子又諗唔到食咩想食經濟實惠嘅可以試下！
經過呢間日式餐廳有石鍋烏冬
又好似幾抵食 就入去試下！
餐廳外面同裡面都以木裝修為主
感覺比較日式
而且座位都幾多
除咗石鍋烏冬
仲有啲日式便當 滑蛋丼飯 小食 等等
選擇都非常多
大部分都$50-$70左右
仲包麵豉湯同凍熱飲品 真係幾抵食！
吉列黑豚豬扒石鍋烏冬
$58
22 views
0 likes
0 comments
吉列黑豚豬扒石鍋烏冬
石鍋烏冬最緊要夠滾
上枱嘅時候bulu bulu就最高興🤪
有四種湯底 今次就揀咗泡菜湯
真係有一塊塊嘅泡菜係入面
好濃泡菜味
味道帶辛辣 又唔太鹹
烏冬亦可以揀手打烏冬或稻庭烏冬
揀咗比較彈牙嘅手打烏冬
食落口感煙韌
好滑溜 好索湯
配菜嘅吉列豬扒都好大塊
炸得好脆 唔會甩皮甩骨同得炸粉
肉質唔乾唔會有雪味 唔錯喎！
滑蛋汁煮上級牛肉丼飯
$72
18 views
0 likes
0 comments
滑蛋汁煮上級牛肉丼飯
丼飯份量都幾大碗
滑蛋好厚嘅一層
炒得好滑 好香蛋味
仲有少少蛋汁
牛肉都幾多塊
不過肉質就比較乾同嚡
不過好在加咗好多汁煮先救返佢
個汁甜甜鹹鹹 似燒肉醬
加入洋蔥去煮個牛肉 幾好送飯😍
整體來講
以呢個價錢嚟講真係好抵食
食物又唔差
仲要唔收加一
服務亦都唔差
性價比幾高！
如果經開太子又諗唔到食咩
想食經濟實惠嘅可以試下！
Post
