古早台居

Open Now

Now Closed

今日返咗去九龍灣探舊同事，順便同佢一齊去德福廣場搵嘢食。見到5樓有food court，又好乾淨企理，環境舒服，就入咗去坐低。突然心血來潮想食台灣嘢，就揀咗呢間台灣菜。紅燒豬軟骨麵 $53豬軟骨炆到好冧，湯底好有牛肉味好濃。碗麵仲有紅蘿蔔、半隻滷蛋、白蘿蔔做配菜好健康。粗身嘅麵條，煮到啱啱好，唔會煮過龍碎開。一口鹽酥雞肉燥飯 $49鹽酥雞炸到外脆內軟，食落嘅雞翼都好彈牙，好有雞肉味。 肉燥方面吸收晒滷水汁嘅精華，豬肉碎唔會過肥剛剛好。超好食嘅台式肉燥飯。青蘋果綠茶 套餐加$12好重青蘋果味，另外都飲到有綠茶嘅香味。唔會過甜，適合食完好多炸嘢，又唔想濟住來飲。大甲芋泥鮮奶 套餐加$17外觀超似大理石，打卡一流。飲落去有芋泥味同鮮奶味，非常match。唔會太甜幾好飲。