金牌小龍 (Closed)

其實食上海菜一直以來嘅定價都唔低，呢間係isquare嘅餐廳食上海菜價錢都算相宜抵食。叫咗一個排骨蛋炒飯同埋上海風味肉。炒飯賣相相當吸引，而且加入左蛋絲同埋蔥粒，成個炒飯炒得乾爽，粒粒分明。另外啲排骨都揸得酥脆，而且冇多餘油脂，蛋香味又濃，推介大家嚟呢度要食炒飯。令外國上海風味肉其實即係上海肴肉，呢味餸其實係一個冷盤，係我每次食親上海菜都必定會叫嘅冷盤，全部肉都整得晶瑩剔透，有少少似食緊啫喱，風味十足！