一起食堂 (域多利皇后街)

Open Now

Now Closed

之前食過「一起食堂」喺觀塘嘅分店，好味又抵食，呢日喺中環遇上，又入去幫襯吓先。餐牌入面有唔少選擇，有台/日式飯、麵食、小食，仲有季節限定。特濃豆乳雞烏龍麵（$89）- 入面有四塊厚切嘅雞肉，雞肉整得好滑。豆乳湯底清清地，帶豆乳香味，烏冬麵亦相當滑同煙韌。蒲燒鰻魚飯 （$99）- 鰻魚厚身，燒汁濃郁，連埋流心蛋同味素，送飯一流。烤台灣香腸 （$32）- 烤得香脆，唔會過鹹，好香口嘅小食。肉燥燙青菜（$28）- 青菜分量都多，加咗肉燥，味道唔會咁寡。珍珠奶茶（$24）- 健康啲點咗無糖，更加突顯茶味，珍珠入口都煙靭，抵飲又好味。愛玉鳳梨綠茶（$24）- 鳳梨味道好香，配搭愛玉，味道唔錯。餐廳食物質素不俗，響中環區來講定價相當抵食，值得推介呀。