Video
Read full review
2024-10-12
476 views
去筲箕灣處理公私嘢，剛好又係午餐時間，咁就當然唔少得要去東大街搵內食，所以跟住同事去左食性價比高嘅廣式麵檔。餐廳裝修簡單單，但內裡光猛環境乾淨衛生，比類麵檔感覺良好。除咗粉麵提供之外，餐廳仲有三文治、特飲供應，種類都好多元化。先嚟蠔油菜芯，估唔到佢嘅份量多之餘，仲加左足料蠔油，所以每條菜都掛滿蠔油，啱晒我口味。另外仲叫左一份炸魚皮，同樣係份量多，而佢個魚皮件件都大大嚿，唔會散碎碎咁，入口香脆鬆化，真係好似食緊薯片咁，令人一塊接一塊咁食。店員會附埋專屬湯底，貼心度要加分呀。同事嘅 切腩三寶湯河，入面有切腩、魚旦、雲吞同牛丸，真係可以話一次過食晒店內馳名嘅食材。雲吞鮮蝦爽彈、魚片同魚丸都魚味夠、牛丸入面充滿黑椒味，爽彈之餘仲加添口感。切腩就更加係重點，牛肉味好濃亦好有咬口，而且佢份量都多，所以同事話食完食碗都真係非常滿足。我就叫左碗 魚蛋魚片湯河，魚蛋魚片一樣彈牙有魚味，而佢個河粉爽滑，值得一讚係佢個粉食到最後都依舊爽口，唔會因為食得慢而令到糊口或淋晒。另外佢個湯底都好清，食完唔會好口乾。最後口嚟杯酸酸甜甜好醒胃嘅凍消脂青檸，同埋玻璃樽夠晒氣嘅凍檸樂。我見隔離枱叫左份鮮奶油多士，望到佢個厚
餐廳裝修簡單單，但內裡光猛環境乾淨衛生，比類麵檔感覺良好。
除咗粉麵提供之外，餐廳仲有三文治、特飲供應，種類都好多元化。
先嚟蠔油菜芯，估唔到佢嘅份量多之餘，仲加左足料蠔油，所以每條菜都掛滿蠔油，啱晒我口味。
另外仲叫左一份炸魚皮，同樣係份量多，而佢個魚皮件件都大大嚿，唔會散碎碎咁，入口香脆鬆化，真係好似食緊薯片咁，令人一塊接一塊咁食。店員會附埋專屬湯底，貼心度要加分呀。
同事嘅 切腩三寶湯河，入面有切腩、魚旦、雲吞同牛丸，真係可以話一次過食晒店內馳名嘅食材。雲吞鮮蝦爽彈、魚片同魚丸都魚味夠、牛丸入面充滿黑椒味，爽彈之餘仲加添口感。切腩就更加係重點，牛肉味好濃亦好有咬口，而且佢份量都多，所以同事話食完食碗都真係非常滿足。
我就叫左碗 魚蛋魚片湯河，魚蛋魚片一樣彈牙有魚味，而佢個河粉爽滑，值得一讚係佢個粉食到最後都依舊爽口，唔會因為食得慢而令到糊口或淋晒。另外佢個湯底都好清，食完唔會好口乾。
最後口嚟杯酸酸甜甜好醒胃嘅凍消脂青檸，同埋玻璃樽夠晒氣嘅凍檸樂。
我見隔離枱叫左份鮮奶油多士，望到佢個厚身又勁多牛油嘅樣都真係超吸引，不過因為實在太飽，所以依個邪惡之物就留待下次再食啦！
Post
