Video
Read full review
2023-03-10
498 views
放工同朋友想搵個靜靜地嘅地方食飯傾偈，就過嚟渡船角呢邊，試下串本屋呢間日式小店，店面裝修令人有種置身日本嘅感覺，小店嘅枱櫈大張，座位之間闊落，環境又乾淨，坐落感覺舒適餐廳嘅食物選擇有好多，用QR code落單，餐牌同系統都分好晒食物嘅種類，點菜好方便QR code落單嘅時候有埋圖片參考，見啲食物好吸引，所以點咗好多嘢食佐酒小食：香烤鱈魚干($18)-燒得好夠乾身，食落又香又脆串燒：日本明太子雞翼($24)、鹽燒翠玉瓜($18)、醬汁燒豆腐串($20)-串燒燒到外脆內嫩，明太子雞翼皮脆肉滑，食到肉汁，啖啖明太子；翠肉瓜同豆腐都唔會燒到太乾身，咬落濕潤，配上木魚，食落更香口，豆腐燒得特別好食，外皮脆卜卜，醬汁甜甜地，好好食野菜天婦羅($68)-有冬菇、茄子、紫蘇葉、蕃薯兩件同南瓜兩件，炸粉厚薄適中，天婦羅炸得好夠乾同熱，最特別係天婦羅汁，係熱辣辣嘅，配埋蘿蔔蓉點嚟食好好味鹽燒鯖魚($48)-魚皮燒到金黃，啱啱好啱燶，脆卜卜，魚肉好實淨，係好食嘅鯖魚焦糖燒菠蘿($32)-面浸焦糖脆卜卜，菠蘿本身鮮甜，食落好開胃，愈食愈想食明太子茶漬飯($36)-湯好香濃，加埋wasabi、蔥、紫菜同明太子食
餐廳嘅食物選擇有好多，用QR code落單，餐牌同系統都分好晒食物嘅種類，點菜好方便
QR code落單嘅時候有埋圖片參考，見啲食物好吸引，所以點咗好多嘢食
佐酒小食：香烤鱈魚干($18)-燒得好夠乾身，食落又香又脆
串燒：日本明太子雞翼($24)、鹽燒翠玉瓜($18)、醬汁燒豆腐串($20)-串燒燒到外脆內嫩，明太子雞翼皮脆肉滑，食到肉汁，啖啖明太子；翠肉瓜同豆腐都唔會燒到太乾身，咬落濕潤，配上木魚，食落更香口，豆腐燒得特別好食，外皮脆卜卜，醬汁甜甜地，好好食
野菜天婦羅($68)-有冬菇、茄子、紫蘇葉、蕃薯兩件同南瓜兩件，炸粉厚薄適中，天婦羅炸得好夠乾同熱，最特別係天婦羅汁，係熱辣辣嘅，配埋蘿蔔蓉點嚟食好好味
鹽燒鯖魚($48)-魚皮燒到金黃，啱啱好啱燶，脆卜卜，魚肉好實淨，係好食嘅鯖魚
焦糖燒菠蘿($32)-面浸焦糖脆卜卜，菠蘿本身鮮甜，食落好開胃，愈食愈想食
明太子茶漬飯($36)-湯好香濃，加埋wasabi、蔥、紫菜同明太子食，味道好豐富，而且啱啱好，唔會太濃
厚燒牛舌飯($64)配溫泉玉子($10)同水蜜桃乳酸梳打($15)餐-牛舌燒得好好食，厚身，肉一絲絲，好夠淋，面頭醬汁甜甜地，加埋啲芝麻，食落好香，飯有好足夠嘅燒汁，仲有蔥、紫菜同芝麻，我撈埋溫泉玉子食，好食到清晒一大碗飯；水密桃乳酸梳打嘅果汁、乳酸同梳打水嘅比例啱啱好，好夠氣，又唔會太甜
另外，前菜仲有沙律同蕃茄，沙律好夠醋，食落好開胃；蕃茄去埋皮，好貼心
店面環境舒適，店員有禮，食物質素高，絕對值得一試/encore！
Post
