禮 (Closed)

呢度裝修好有日式風情，感覺好chill，係一個好適合同朋友聚會嘅地方。首先試咗佢哋嘅柚子汁燒雞排定食配十穀飯。前菜有柚子醋醃蘿蔔同沙律，另外仲有老店麵豉湯、茶碗蒸。雞排好軟嫩好Juicy，尤其鍾意個醬汁，唔會太咸，同雞排好夾。十穀飯亦都煮得好鬆軟！成個定食勁豐富～之後就係迷你東京牛肉丼。一樣都有前菜醃蘿蔔同老店麵豉湯～呢個牛肉丼雖然話係迷你版，但其實份量都幾多架！因為仲有個迷你烏冬～牛肉煮得好入味，加埋大量洋蔥，兩者都吸收咗醬汁嘅味道，好味！烏冬個湯清清哋，麵條夠晒彈牙😍一個丼就可以食到兩種滋味～抵！最後跟隔離枱風，叫咗日式餃子。呢個餃子皮薄餡靚，煎得金黃香脆，咬落去仲有肉汁爆出嚟，配埋佢哋自家製嘅醬汁，味道更加豐富！