留家廚房

Open Now

Now Closed

好多年前曾經幫襯過留園廚房，當時覺得非常出色！時間幾年，發現原來佢嘅中午係有提供套餐的，咁性價比應該幾高！當日就試咗個二人套餐，大約二百幾蚊，係兩個人喎！裏面有點心同埋小菜選擇，嗰個套餐係包例湯，兩款點心兩款小菜，白飯同埋甜品！咁一場嚟到，當然叫返佢啲拿手小菜啦！最後嗌咗灌湯餃、半隻煙燻雞，仲加咗黑芝麻卷添！先講返個套餐，首先嚟係老火湯！個湯都幾濃，甜甜地幾好飲！呢個唔錯！點心方面我就嗌咗蝦餃，同蟲草花鮮竹卷。兩個點心都正正常常，都算唔錯！小菜方面我就嗌咗菠蘿咕嚕肉，同一個野生椒炆冬瓜！兩個都係佢嘅經典小菜，整體都OK，兩個都係平凡嘅菜式，但係都實踐到不平凡之處！我係收貨！講返佢嘅煙燻雞，呢個餸基本上係佢嘅招牌菜，食嘅時候已經充滿期望，到最後亦都覺得唔錯！係嫩滑嘅，而且亦都有濃濃嘅煙燻味！我自己就覺得幾好！另外叫咗個灌湯餃，可以用皮薄餡靚嚟形容！裏面嘅肉汁都好豐富，配埋啲醋更加出色！另外甜品嘅芝麻卷亦都幾好，整體上價錢好合理！佢係樓上舖，但係我午市去到嘅時候都見，基本上所有枱都坐晒！證明佢有一定號召力！如果喺灣仔嚟講，我覺得性價比極高！下次再嚟一定會再幫襯！