Video
Read full review
2024-01-03
635 views
🌼民豐粉麵行🌼老字號民豐位於荃灣街市街，基本上去親都一定有客買緊嘢，呢度嘅裝修比較舊式，一覽無遺，有好多姐姐包緊水餃，有啲又煎緊餃子，好忙碌咁😆，佢哋都有好多唔同款式嘅嘢食賣，其中手包💚寧波湯圓💚就係呢度嘅鎮店之寶，我就買咗幾款唔同嘅小食💚韭菜豬肉餅 $15 :呢一款係其中必食嘅韭菜餅，大概有手掌咁大塊😍，食落都係熱辣辣，餡料豐富，裏面有超多韭菜同豬肉🤤🤤，煎起上嚟外層皮唔算厚，裏面嘅餡料味道啱啱好，唔會過鹹，都有少少肉汁，一定要趁熱食，撞啱佢啱啱煎起就一流👍🏻👍🏻💚糯米糍 $6 :其中一款必食嘅小食就係爆餡糯米糍，分別有芝麻，紅豆同埋花生，每款叫咗兩件，性價比極高👍🏻，裏面嘅餡相當豐富，咬開一淡滿瀉咁制，味道都相當出色😋，嚟到一定要買番件試下😌💚鴛鴦湯圓 $32 :另外一款自家製湯圓，分別有麻蓉，豆沙，花生同埋菜肉味道，$32大概有25粒到，我就帖咗鴛鴦湯圓，返到即刻煮咗嚟食，食落係流沙湯圓，麻蓉味相當香濃，而花生味帶有粒粒，皮都幾煙靭，可能係每一到嘅湯圓都會有分別，呢度嘅比較細粒，煮過後size都冇乜點變，所以就見仁見智啦💚上海菜肉水餃 (小) $35 :最後買咗佢哋嘅水餃試吓，有
老字號民豐位於荃灣街市街，基本上去親都一定有客買緊嘢，呢度嘅裝修比較舊式，一覽無遺，有好多姐姐包緊水餃，有啲又煎緊餃子，好忙碌咁😆，佢哋都有好多唔同款式嘅嘢食賣，其中手包💚寧波湯圓💚就係呢度嘅鎮店之寶，我就買咗幾款唔同嘅小食
💚韭菜豬肉餅 $15 :呢一款係其中必食嘅韭菜餅，大概有手掌咁大塊😍，食落都係熱辣辣，餡料豐富，裏面有超多韭菜同豬肉🤤🤤，煎起上嚟外層皮唔算厚，裏面嘅餡料味道啱啱好，唔會過鹹，都有少少肉汁，一定要趁熱食，撞啱佢啱啱煎起就一流👍🏻👍🏻
💚糯米糍 $6 :其中一款必食嘅小食就係爆餡糯米糍，分別有芝麻，紅豆同埋花生，每款叫咗兩件，性價比極高👍🏻，裏面嘅餡相當豐富，咬開一淡滿瀉咁制，味道都相當出色😋，嚟到一定要買番件試下😌
💚鴛鴦湯圓 $32 :另外一款自家製湯圓，分別有麻蓉，豆沙，花生同埋菜肉味道，$32大概有25粒到，我就帖咗鴛鴦湯圓，返到即刻煮咗嚟食，食落係流沙湯圓，麻蓉味相當香濃，而花生味帶有粒粒，皮都幾煙靭，可能係每一到嘅湯圓都會有分別，呢度嘅比較細粒，煮過後size都冇乜點變，所以就見仁見智啦
💚上海菜肉水餃 (小) $35 :最後買咗佢哋嘅水餃試吓，有分15隻同埋30隻裝，雲吞同水餃都有唔同味，價錢都非常實惠，每一件水餃都會沾上生粉，避免黐住，所以煮開咗之後都係粒粒分明😍，味道方面都唔會過鹹，有肉同埋菜嘅餡料熟咗之後都非常惹味，同埋夠晒足料，不過皮比較厚，都係啲摺位厚粉，但整體都唔錯👏🏻👏🏻
Post
