榮光粉麵小廚

Open Now

Now Closed

今晚去左上水探朋友，佢夜晚帶左我地去一間叫榮光既餐廳食飯。一入去發現滿座，看來朋友係常客，一早訂左位，我地被安排到樓上雅座，上層有２間相房，環境好舒服，感覺好似去食私房菜咁。試咗幾道招牌菜，大推蟹籽芥末明蝦球，大蝦球又大又爽，蝦味十足！配上蟹籽芥末醬，喺這個天氣食真係正！呢個花膠雞煲翅湯堅有花膠、魚翅、雞腳，超足料勁抵食，湯料經過長時間燉煮，膠原蛋白都入哂奶白色既湯裡面，湯底濃郁，超好味。榮光D餸碟碟都咁大碟，又超足料，牛仔骨、京都骨同乳鴿都好好味，仲有西蘭花，脆脆的，口感一流。雖然餐廳咁忙，但服務員個個都好有笑容，落單同上菜都好快，真係一流！