Amitie Kitchen (Moved) New Location

呢排都鍾意搵一d小餐廳試吓，唔想成日去商場食黎食去都係一啲連鎖嘅食店，開始食到厭😓又俾我係尖沙咀揾到呢間食西餐既試下😋餐廳鋪頭唔算大，但係都幾舒服😊我地叫咗個set，有餐包食☺️ 牛角包有驚喜，估唔到小店都可以做出咁樣嘅水準👍🏻👍🏻 除咗牛油仲有藍莓果醬配😋個沙律好新鮮，d菜好脆加埋Parma ham 就絕配☺️今日個餐湯係野菌忌廉湯，好濃郁，飲完成個口都充滿住忌廉湯既香味😊終於到主角啦，主菜方面我哋叫咗烤燒大啡菇，焗釀鮑魚，北海道帶子，虎蝦義大利飯伴龍蝦汁，淨係聽個名都覺得勁，擺盤擺得咁靚，梗係要相機食先啦📸 我哋仲額外叫咗脆炸番薯條，真係炸得好脆，但係你又唔會覺得有好油膩嘅感覺，番薯條仲令人有一種好健康嘅感覺添🍠甜品叫咗伯爵茶奶凍，上面仲有朵玫瑰花，食落去玫瑰花味好清香令奶凍食落去冇咁膩😍而女朋友就叫咗個心太軟，仲配埋士多啤梨雪糕🍦個心太軟真係好正，一切開d朱古力就湧出黎🍫加埋雪糕食又唔算太甜🍨總括來講我覺得唔錯，環境幾舒服幾靜啱哂同朋友嚟食個飯傾吓計，食物款式好多質素幾好，甜品亦好出色！