Sage Bar

Open Now

Now Closed

今日放假，同阿媽行街之前去食午餐，呢度環境闊落舒服，係用QR code自助落單。 🍞 餐包有兩款，外脆內軟。🥣 餐湯 應該係蘑菇青豆湯，新鮮滾熱辣上枱，香濃足料☺️ 🐂 美國USDA封門柳 7oz $152 手機落單時唔記得備注要幾多成熟，所以唔太食得生肉嘅我哋問staff可唔可以攞入廚房再整到七成熟，staff服務態度好好，好快手幫我哋搞掂👍🏻 封門柳嘅牛味濃郁，肉質鮮嫩，少量嘅醬汁唔會喧賓奪主，又可以提味，仲有蕃茄+洋蔥增添酸味，幾開胃。配菜有蘑菇、紅蘿蔔、薯仔、西蘭花，豐富。 🐖 香烤加拿大熟成香料豬里脊 $138 通常喺出邊食豬里脊都預咗肉質會比較柴，不過呢度嘅好嫩口，真係幾驚喜‼️而且唔會有腥味。配菜同上。 🍵 熱情果茶（走冰）呢杯免費餐飲又幾高質，走咗冰之後都係滿滿嘅一杯，而且清甜爽口👍🏻 ☕️ Cappuccino (hot) +$10 奶泡夠厚身，口感綿密順滑，味道nutty又幾甜，餘韻好強。作為一間非專業cafe嘅西餐廳嚟講，做到呢個水準係相當唔錯，而且跟餐價錢平🤩 🍳 焦糖燉蛋 +$15 面層嘅焦糖脆脆地又唔會苦，燉蛋口感滑溜，味道香甜，係我最鍾意嘅甜品之一🥰 🍮 麵包布