吉豚屋吉列豬扒專門店

Open Now

Now Closed

黎荃灣行街， 又唔想食太貴， 又想清清地， 就去食吉豚屋。餐廳喺如心廣場， 平時行街都見到好多人排隊， 今次我哋早食， 唔使排好耐就入到去了。原來環境好有日式感覺， 好舒服， 餐廳嘅選擇都好多， 好多嘢都想食。其中我就叫咗最出名嘅吉列豬扒飯。 等咗大約15分鐘， 熱辣辣嘅豬扒就喺我面前。 吉豬扒外層炸得好酥脆， 都好乾身。 椰菜好多， 好fresh， 撈埋啲芝麻醬汁好滋味。 配埋個好足了嘅麵豉湯，成個餐加埋都唔使100蚊。總括而言， 呢間 吉豚屋嘅套餐性價比高， 食完又飽肚！