秋田鐵板燒刺身專門店

Open Now

Now Closed

今日同朋友去咗試一直都好想食嘅鐵板燒上到餐廳就覺得好有feel好似去咗日本咁餐廳職員服務都好好唯一不足係冇得自己圍內一張台上到去嘅時候張台開對面已經坐左客不過最辛苦嘅都係師傅 一個人要應付咁多個客所以去到最後我都比左貼士師父 多謝佢咁用心整野比我地食 鐵板龍蝦：⭐️⭐️⭐️⭐️⭐️ 師傅會將隻活龍蝦放喺鐵板煮 隻龍蝦出到嚟嘅時候仲郁嚟郁去非常新鮮 然後仲會用龍蝦嘅膏去整汁 味道好鮮 好爽口。最後師傅仲會有個放火嘅表演 十分精彩南非鮑魚：⭐️⭐️⭐️⭐️⭐️鮑魚放喺鐵板嘅時候仲會轉來轉去 食落好煙靭 而且仲有個白色嘅醬汁 連埋一啲類似海帶嘅物體 超級正蒜心螺片：⭐️⭐️⭐️⭐️非常有咬口 比較適合飲酒嘅時候食 帶子：⭐️⭐️⭐️⭐️帶子煎得好靚 用紫菜包住食 幾過癮鵝肝：⭐️⭐️⭐️⭐️⭐️鵝肝煎得好好食 見到師傅落咗紅酒同豉油 另外仲會有黑醋醬 令到個鵝肝冇咁油膩 牛肉薄燒卷：⭐️⭐️⭐️⭐️⭐️師傅會將蔥同蒜放入和牛片然後再捲埋一齊咬落去入口即溶再跟住就係蔥同蒜既香味個口感非常好 師傅話推薦食5成熟去到最後師傅仲會砌個公仔同寫字比我地影相師傅切公仔手勢非常好 倒轉寫字都好犀利