山下

Open Now

Now Closed

其實去過呢間餐廳已經好多次，但次次都好趕住食，所以冇時間影下相。今次難得有幫d食物影下相，就尼寫下呢間餐廳嘅食評啦！記得幾年前佢地剛開業無耐，我同d同事lunch去過兩三次，嗰陣仲擔心佢地做唔住，因為lunch 呢d繁忙時間，都只係得幾個客人。點知無去一排，竟然多客人到早兩個星期都未必book到，而家每次去親都full house,，可想而知真係有幾好味！！我地每次都係點龍蝦嗰個set ，$480，因為覺得最抵食。首先尼個蒸蛋，夠熱夠滑。再尼係沙律，普普通通啦。跟住就係鐵板煎帶子，好滑。到戲肉喇！！鐵板龍蝦配龍蝦汁！龍蝦超級新鮮，非常彈呀，超好味！必食！d龍蝦汁仲可以點麵包食，麵包無限refill 的。之後就有碗用蒜蓉炒過嘅飯，好香好惹味！平時唔食飯嘅我，都可以成碗食晒！到甜品喇。。。通常都有兩三款揀。我今次就揀左焦糖雪糕，好滑。最後到餐飲，點左Cappuccino。夠濃。食晒成餐後係會好滿足咁捧住個肚走。呢個set由開業$380加到而家$480，我覺得性價比仍然高，隔一排就要來食食，因為真係好好味！