Video
Read full review
2024-01-27
28 views
呢間大圍小食店 ，喺大圍已經廿幾年，由細食到大，佢哋食物種類多元化，性價比好高，價錢又唔貴，而且全部份量十足～今次我買咗好多嘢食返屋企食：魚肉碗仔翅、炸大腸、煎釀三寶、臭豆腐、油渣麵、豬腸蘿蔔韭菜、串燒豬頸肉、串燒魷魚、墨魚、牛柏葉 、滷水雞髀、炸雞髀、仲有咖喱魚蛋、燒賣……其中我最鍾意食嘅就係；炸大腸 $16好邪惡啊，但係我又好鍾意食喎外皮炸到薄又脆，外脆內軟，內裡豐厚多汁，有大腸獨特嘅氣味好正呀，再配合甜醬同埋芥末～油渣麵（大）$50真係好大碗，份量十足，豬油渣係肥豬肉炸後剩餘嘅肉塊，而麵條係用咗上海麵，再加上大量葱花、冬菇絲、熟蒜、冬菜、仲有加埋佢哋秘製嘅辣菜脯，呢碗油渣麵真係好豐富～今晚真係好多人排隊買，眼見起碼已經二十幾人，佢哋喺大圍真係好受歡迎，仲有小店嘅姨姨非常有禮貌，所以我成日都好鍾意去幫襯～
今次我買咗好多嘢食返屋企食：魚肉碗仔翅、炸大腸、煎釀三寶、臭豆腐、油渣麵、豬腸蘿蔔韭菜、串燒豬頸肉、串燒魷魚、墨魚、牛柏葉 、滷水雞髀、炸雞髀、仲有咖喱魚蛋、燒賣……
其中我最鍾意食嘅就係；
炸大腸 $16
好邪惡啊，但係我又好鍾意食喎
外皮炸到薄又脆，外脆內軟，內裡豐厚多汁，有大腸獨特嘅氣味好正呀，再配合甜醬同埋芥末～
油渣麵（大）$50
真係好大碗，份量十足，豬油渣係肥豬肉炸後剩餘嘅肉塊，而麵條係用咗上海麵，再加上大量葱花、冬菇絲、熟蒜、冬菜、仲有加埋佢哋秘製嘅辣菜脯，呢碗油渣麵真係好豐富～
今晚真係好多人排隊買，眼見起碼已經二十幾人，佢哋喺大圍真係好受歡迎，仲有小店嘅姨姨非常有禮貌，所以我成日都好鍾意去幫襯～
Post
