慢煮屋 (Moved) New Location

約朋友去觀塘買嘢，順便過嚟懲罰下呢間好高名氣嘅日式西餐廳。午市時間都算多人，好彩嘅係我哋都晏去，已經走咗轉人，第二轉入去就大概等三個字到。我哋三個女仔嗌左三個套餐share。最好食兼性價比最高嘅係佢個牛丼，跟住仲有七彩繽紛好吸睛三文魚丼，仲有好平庸嘅北海道海鮮麵。牛丼牛味濃郁同個醬汁非常之配搭！好可惜掛住食又唔記得影相。三文魚都入口即溶，加埋個牛油果真係一百分。醬汁都非常之清新。海鮮麵個海鮮明顯唔係好新鮮，不過價錢反而係最貴。可以唔使試。價錢來講真係算公道，原來食嘅材料，唔計個海鮮麵，都真係幾新鮮幾好食！值得再encore！