ADO洋食屋 (Closed)

呢間位於大圍嘅ADO洋食屋，早已經聽聞係大圍名物，位置唔算方便，係顯徑站附近村屋啲巷仔入面🏘️個日星期五6pm打去碰碰運氣，點知話七點有位，即刻book😆店舖好細，裝飾走日式懷舊風，大約得10個座位左右，每枱之間都坐得幾逼。📌經典日式牛肉醬汁蛋包飯 $78🍛 個蛋整得好靚，好動L🥚切開見到啲蛋汁慢慢流出嚟包住啲飯，感覺好治癒😆 蛋味好香濃，飯係茄汁炒飯，配料有甘筍同菇🥕不過牛肉醬汁略嫌有少少稀。📌Ado’s自家手打日式漢堡排 $98🥩漢堡排牛肉味濃郁多汁，不過可惜肉質唔夠實，有少少鬆散。醬汁調味啱啱好，配飯一流，唔經唔覺食哂成碟飯😆📌以上餐點加$22可以升級套餐，配是日餐湯(麵豉湯)+前菜及飲品 (特飲另外再補錢)。分別叫咗一杯Hot Matcha latte 同一杯Ice Mocha，可能因為唔係cafe，飲品一般，杯mocha 唔知點解成杯cappuccino 咁有好多泡係面🤔總括黎講性價比都嘅，食物味道都唔錯，但位置真係唔太方便。🌟推介指數：😈😈😈😈（5😈為滿分）