EAT ME Bar & Restaurant (Closed)

今日，同朋友黎左旺角呢間餐廳食飯，佢既位置好方便，油麻地地站一出去就係。餐廳既環境同唔錯。晚餐時段有好多唔同套餐，不過我地第一眼就比二人套餐吸引左。$298就有齊餐湯、沙律、兩個主菜、同埋甜品，性價比極高，所以我地就揀左呢個餐。湯係蘑菇湯，湯律幾fresh。其中一個主菜係溫泉蛋煙肉野菌卡邦尼意粉。佢既醬汁好濃好惹味，個蛋超流心又好滑，蛋汁撈埋意粉一山齊食好正！另一個主菜係慢煮美國法式豬鞍排配蘋果醬。呢個豬鞍排肥瘦均勻，外面燒到好香，連埋邊邊既油脂，好好味！飲品都屬於高質。最值得欣賞既就係跟餐竟然有movepick 雪糕。