金船長餐廳 (Closed)

原本以為奧海城已經好多好野食估唔到奧運站行過啲有間性價比幾高既西餐廳！我地叫左黑松露pizza 估唔到真係有驚喜 配埋佢自家制個提子醋認真一流！食西餐自然會想食蒜蓉包 牛油搽得好滿 滲哂入面包到 十分香口！主食方面我地叫咗個豬肋骨配薯蓉 豬肋骨好大份 肉質鮮嫩煮到岩岩好 唔痴骨得黎又唔會話啲肉好老 証明廚師拿捏得好好！薯蓉方面有好多餡料 有胡蘿蔔粒同其他配料 食落口感好豐富 又唔會話太咸 而且薯蓉質感十分滑身！甜品方面食左心太軟 整得都唔錯 配埋個雪糕同伴碟既生味完全唔覺得膩野飲方面我地叫左白牛同紅豆冰 紅豆冰略嫌太過creamy 紅豆偏少 其他整體都唔錯！