Video
Read full review
2022-10-13
122 views
有朋友要移民🥲,臨走前想食一次放題,可以咩都食下呢間放題好大間,感覺夠空曠,檯同檯之間唔會好逼...都係梳化卡位, 坐得舒服👍🏻食放題既環境真係幾重要, 一餐起碼要出去攞野食野飲幾次, 每次食起碼兩個鐘,有個舒服既環境慢慢食會好好多💁🏻♀️好多餐廳已經係自助下單,呢間都唔例外, 掃code落單,有圖有埋分量,非常方便食物種類方面好多,前菜,小食,沙律,熱食,炸物,刺身,壽司,粥粉麵飯,甜品,雪糕,雪條,冷熱飲品....都真係應有盡有🍽 刺身刺身種類都幾多,三文魚,油甘魚,赤貝,赤海蝦,帆立貝,希鯪魚……其實唸到既都有刺身最緊要新鮮, 呢到真係新鮮, 佢平日中午都坐滿甘濟,客如輪轉,自然唔差得去邊🍽壽司🍣刺身之外,當然仲有壽司……壽司種類都ok多, 但畢竟有飯,要留肚食其他,所以唔會叫太多...只係叫d想食同特別d既, 壽司唔錯, 精緻唔馬虎🍽熱食佢大部分野食都可以一件上,唔浪費又可以試多幾樣...熱食款式多,麵飯有齊仲有蟹粥,小炒,海鮮都有, 質素仲要唔錯窩,尤其係鱔同羊架....鱔係醬炒,入味彈口, 羊架表面燒得夠香,肉質夠焾,醃得好味😋 放題食到甘樣質素既羊架 真係要讚👍🏻 呢兩樣
呢間放題好大間,感覺夠空曠,檯同檯之間唔會好逼...都係梳化卡位, 坐得舒服👍🏻食放題既環境真係幾重要, 一餐起碼要出去攞野食野飲幾次, 每次食起碼兩個鐘,有個舒服既環境慢慢食會好好多💁🏻♀️
好多餐廳已經係自助下單,呢間都唔例外, 掃code落單,有圖有埋分量,非常方便
食物種類方面好多,前菜,小食,沙律,熱食,炸物,刺身,壽司,粥粉麵飯,甜品,雪糕,雪條,冷熱飲品....都真係應有盡有
🍽 刺身
刺身種類都幾多,三文魚,油甘魚,赤貝,赤海蝦,帆立貝,希鯪魚……其實唸到既都有
刺身最緊要新鮮, 呢到真係新鮮, 佢平日中午都坐滿甘濟,客如輪轉,自然唔差得去邊
🍽壽司🍣
刺身之外,當然仲有壽司……壽司種類都ok多, 但畢竟有飯,要留肚食其他,所以唔會叫太多...只係叫d想食同特別d既, 壽司唔錯, 精緻唔馬虎
🍽熱食
佢大部分野食都可以一件上,唔浪費又可以試多幾樣...熱食款式多,麵飯有齊仲有蟹粥,小炒,海鮮都有, 質素仲要唔錯窩,尤其係鱔同羊架....鱔係醬炒,入味彈口, 羊架表面燒得夠香,肉質夠焾,醃得好味😋 放題食到甘樣質素既羊架 真係要讚👍🏻 呢兩樣野買黎自己煮都好貴下, 2百幾任食仲要好味, 性價比滿分💯
🍽炸物,小食
榴蓮炸彈,炸鮮奶,呢d平時少食到d既甜品都有,味道仲好唔錯👏🏻
🍽甜品
甜品方面除左甜品櫃, 豆腐花, 乳酪, 布丁, 仲有雪糕,雪條仲有軟雪糕機添!
🍽飲品
除左野食,飲品都好重要! 甘arm個胃唔係好舒服,發現有熱飲,真係好貼心♥️
💁🏻♀️ 除左食物同環境之外, 另一樣野難得既係服務態度...放題既侍應通常都好忙, 呢度既侍應每上一道菜都仲會講多謝曬...今時今日係香港真係唔甘易搵到👍🏻
All in all, 各方面性價比都好高,推薦🍻
Post
