新宏利粥湯飯

Open Now

Now Closed

呢排食左太多油膩野想食返啲清淡啲！今次來左呢間新開新派唔只得粥食既，仲有鮮魚湯飯！好有魚味嘅魚湯，好過好多間都係魚湯底既店舖！兩個餸一個菜再加上一大碗既白飯($45)，男仔都好夠食啦！性價比好高！所以為左試到其他嘢食，我哋只叫左一碗湯飯，仲叫左一份叉燒腸粉($17)，估唔到腸粉都幾滑溜👍🏻，豉油又唔會太鹹，岩岩好！另外每次去粥檔都要食牛脷酥($9)，我嘅最愛，條牛脷酥都好大條，一人一半😁再點一點鮮魚湯，正啊😋話食清淡但都避免唔到🤣見到隔離枱叫左碟 薑蔥爽魚皮，好似好吸引咁，所以我哋都叫咗碟細碟($27)來試下，上到枱就已經聞到陣味好清香嘅麻油味，魚皮食落勁爽脆，口感比食海蜇更好，魚皮旁邊伴隨少量花生，魚皮嘅爽脆撞上花生嘅香脆，令到成個口感有唔少嘅上升。而且魚皮每片都好唔細，覺得相當抵食。