Video
Read full review
2017-10-24
758 views
平日出街食飯特別輕鬆，相約舊同事食飯聚一聚話咁易，想搵間西餐靜靜地食飯傾計的確幾困難，幸好舊同事好推介，依間位於金鐘太古廣場內一樓既西餐廳，雖然店鋪門面唔似地下既餐廳咁有派場，但勝在一到店門口店員已經企係門口友善問我地幾多位，已經被服務打動，安排左我地坐卡位座店員亦禮貌問我地想飲咩，整理好枱上既餐具擺位，非常貼心。諗左好耐，叫左三款菜式大家一齊share食，先食麵包醫下肚仔先，麵包食落好香好軟熟，食完店員亦幫我地refill，終於等到主菜出場啦Mussels Cassrole (400g)青口分別有四種唔同既醬汁比你選擇，當中有平時比較常食到既洋蔥忌廉汁、甜蕃茄汁，而白松露汁同辣醬汁都係甚少食到，所以我地揀左要Arrabbiata Spicy Sauce店員一送上枱，即時開蓋，已經聞到陣陣香味，青口大隻厚肉，每隻開哂蓋沾滿辣醬汁，食落好鮮甜，完全無苦澀味，辣醬汁唔算好辣，輕微辣度愈食愈惹味，辣汁亦可配沾麵包咁食，味道一流，好好食啊Smoked salmon tartare依款煙三文魚他他淨睇賣相十足藝術品一樣，靚到唔捨得食，煙三文魚切粒拌左少少醋同橄欖油，面頭放左鵪鶉蛋整個拌匀再食，入
店員亦禮貌問我地想飲咩，整理好枱上既餐具擺位，非常貼心。諗左好耐，叫左三款菜式大家一齊share食，先食麵包醫下肚仔先，麵包食落好香好軟熟，食完店員亦幫我地refill，終於等到主菜出場啦
Mussels Cassrole (400g)
青口分別有四種唔同既醬汁比你選擇，當中有平時比較常食到既洋蔥忌廉汁、甜蕃茄汁，而白松露汁同辣醬汁都係甚少食到，所以我地揀左要Arrabbiata Spicy Sauce
店員一送上枱，即時開蓋，已經聞到陣陣香味，青口大隻厚肉，每隻開哂蓋沾滿辣醬汁，食落好鮮甜，完全無苦澀味，辣醬汁唔算好辣，輕微辣度愈食愈惹味，辣汁亦可配沾麵包咁食，味道一流，好好食啊
Smoked salmon tartare
依款煙三文魚他他淨睇賣相十足藝術品一樣，靚到唔捨得食，煙三文魚切粒拌左少少醋同橄欖油，面頭放左鵪鶉蛋
整個拌匀再食，入口肥美帶嫩滑口感，配脆塊食唔錯喔
Australian Wagyu Striploin
終於等到主角澳洲和牛西冷扒出場，落單個時已先前講好唔好太熟，怕口感太過乾身，估唔到不負眾望
用力輕輕一切開，入面仍然呈粉嫩色，流住滿滿既肉汁
入口牛肉味非常濃郁，軟熟不粘牙，軟硬度適中，咀嚼個時滿口都係肉汁香氣，真係整得相當出色，色香味俱全，同我係歐洲所食過既味道完全係一樣，非常有水準既一道美味佳餚
整體而言，餐廳無論服務質素、食材、環境都係一流，有賓至如歸既感覺，食物質素非常有水準，環境空間感大且有情調，比人感覺食得舒服自在，的確係性價比高既水準西餐!
Post
