Video
Read full review
2023-11-08
773 views
今日老公生日，由於請唔到假去旅行，決定與他食日本菜止下癮 ，估唔到呢間新開日本菜非常有驚喜！汁燒北海道帆立貝🐚一坐低店員率先介紹今日新鮮到港北海道帆立貝，即刻叫左兩隻汁燒試吓，一半新鮮生食又得，另一半牛油醬油燒熱依然入口即溶。Omakase 寿司11貫🍣店員會逐款介紹，每舊魚生都有特色：拖羅、吞拿魚、海膽，肥美鮮味，飯量又啱啱好，唔會太飽，可以留返啲quota試其它野。北海道海膽 & 炸軟殼蟹手卷🌯海膽口感奶滑濃郁，淡淡海水味，食得出係新鮮運到。軟殼蟹酥脆得黎啖啖肉。原隻汁燒魷魚筒🦑大大隻魷魚筒，魷魚身唔韌，魷魚鬚少少脆，汁燒得好入味自家制味噌甲羅燒🦀甲羅燒咸香咸香，配埋雪村獨有魚仔脆片，大推！自家制免治雞肉🐣擺盤顏色好適合打卡，肉餅可以隨意分配份量，細細粒可以被蛋黃完全包裹，新鮮又滋味。厚切牛舌串燒👅咬落實淨爽口，焦香味配少少鹽，唔加檸檬汁都夠味，最後忍唔住encore嗌多串。岩蠔🦪岩蠔手掌咁大隻，一啲都唔腥，又係encore之選。牛肉稻庭烏冬🍲蟹肉蕎麥麵🍜牛肉湯清甜，蟹肉湯鮮美，同樣啖啖肉，一人一碗暖下胃嘅不錯之選味醂魚乾🐡 炸吉列廣島蝝🍤居酒屋必備 佐酒一流 可惜揸左車 下次一定
汁燒北海道帆立貝🐚
一坐低店員率先介紹今日新鮮到港北海道帆立貝，即刻叫左兩隻汁燒試吓，一半新鮮生食又得，另一半牛油醬油燒熱依然入口即溶。
Omakase 寿司11貫🍣
店員會逐款介紹，每舊魚生都有特色：拖羅、吞拿魚、海膽，肥美鮮味，飯量又啱啱好，唔會太飽，可以留返啲quota試其它野。
北海道海膽 & 炸軟殼蟹手卷🌯
海膽口感奶滑濃郁，淡淡海水味，食得出係新鮮運到。軟殼蟹酥脆得黎啖啖肉。
原隻汁燒魷魚筒🦑
大大隻魷魚筒，魷魚身唔韌，魷魚鬚少少脆，汁燒得好入味
自家制味噌甲羅燒🦀
甲羅燒咸香咸香，配埋雪村獨有魚仔脆片，大推！
自家制免治雞肉🐣
擺盤顏色好適合打卡，肉餅可以隨意分配份量，細細粒可以被蛋黃完全包裹，新鮮又滋味。
厚切牛舌串燒👅
咬落實淨爽口，焦香味配少少鹽，唔加檸檬汁都夠味，最後忍唔住encore嗌多串。
岩蠔🦪
岩蠔手掌咁大隻，一啲都唔腥，又係encore之選。
牛肉稻庭烏冬🍲蟹肉蕎麥麵🍜
牛肉湯清甜，蟹肉湯鮮美，同樣啖啖肉，一人一碗暖下胃嘅不錯之選
味醂魚乾🐡 炸吉列廣島蝝🍤
居酒屋必備 佐酒一流 可惜揸左車 下次一定會約朋友黎飲酒。
最後仲送日本柿同蜜瓜，擺盤靚不特止，店員仲要好細心先上柿再上蜜瓜，咁就唔會沖淡柿嘅甜味啦。
整體黎講性價比高，每人幾百蚊就攬住個肚走，一定會再幫襯！
P.S. 再讚一讚餐廳服務員態度一流，賓至如歸，斟茶密密手，見我嗰杯凍晒，仲直接換過杯熱嘅，貼心得很！
Post
