Video
Read full review
2018-09-03
3685 views
繼上次朋友渣車車我入大埔後，早幾日我地又入左大埔食飯，今次去食依間朋友熱烈推薦既泰國菜，佢話平時去親九龍城食到既泰國菜館同依度好唔同，每道菜式既味道都比一般食到既多一種味，食完係會令人有驚喜同深刻難忘，所以聽左佢依翻說話後當然又要跟佢車去食好野啦!依個星期日日都係下雨天，落車黎到門外個身都已經半濕，餐廳裝修真係有木船既擺設，入座後一邊睇下餐牌叫咩餸一邊抹乾個身，我地齊齊睇左十五分鐘先至決定好食邊道菜，因為朋友黎食過好幾次，但我專選擇佢未曾食過既菜黎一齊食燒豬頸肉沙律先食個沙律清下，估唔到份量都幾多，我估二至四人食都夠，沙律菜中有紅蘿蔔絲同芹菜絲，仲有我最愛食既小蕃茄，好鮮甜，拌左酸甜汁，食落清新帶少少刺鼻好過癮燒豬頸肉每片都厚薄適中，咬既時候啖啖肉，仲帶少少肉汁，配甜辣汁食好夠辣又夠哂惹味公車諗霸依道菜其實就係生蝦刺身，每隻掛係高杯邊，賣相好靚之餘，入口好肥美鮮甜，每隻生蝦上面都放左蒜片同辣椒粒，再點生蝦辣汁食好正好夠味，唔錯啊！唔係炒既街頭泰北生菜包平時食泰國菜必點生菜包，黎依度都唔例名，朋友話每次黎都會叫，因為真係與別不同豬肉碎炒得粒粒分明，放生菜入邊包住食好惹味，帶少少微辣，咬一
依個星期日日都係下雨天，落車黎到門外個身都已經半濕，餐廳裝修真係有木船既擺設，入座後一邊睇下餐牌叫咩餸一邊抹乾個身，我地齊齊睇左十五分鐘先至決定好食邊道菜，因為朋友黎食過好幾次，但我專選擇佢未曾食過既菜黎一齊食
燒豬頸肉沙律
先食個沙律清下，估唔到份量都幾多，我估二至四人食都夠，沙律菜中有紅蘿蔔絲同芹菜絲，仲有我最愛食既小蕃茄，好鮮甜，拌左酸甜汁，食落清新帶少少刺鼻好過癮
燒豬頸肉每片都厚薄適中，咬既時候啖啖肉，仲帶少少肉汁，配甜辣汁食好夠辣又夠哂惹味
公車諗霸
依道菜其實就係生蝦刺身，每隻掛係高杯邊，賣相好靚之餘，入口好肥美鮮甜，每隻生蝦上面都放左蒜片同辣椒粒，再點生蝦辣汁食好正好夠味，唔錯啊！
唔係炒既街頭泰北生菜包
平時食泰國菜必點生菜包，黎依度都唔例名，朋友話每次黎都會叫，因為真係與別不同
豬肉碎炒得粒粒分明，放生菜入邊包住食好惹味，帶少少微辣，咬一啖已滴出肉汁，而當中與別不同既係加左花生碎，食落更加香口，好有印尼風味，的確讚！
黃咖哩雞配法飽
送到上枱已經聞到好香濃咖哩味，本身我都喜愛食黃咖哩，因為辣味中帶點甜，食落更加開胃，賣相普通，但一食第一啖已經不自覺咁笑出黎同係咁同朋友講好好食
因為黃咖哩煮得夠之餘，食完吞既時候有陣甘香味，個汁又唔會太過稀
加配蝦頭油蒜茸法飽咁食真係一流，真係立即想叫白飯撈黎食，而雞肉入口好嫩滑，啖啖肉，仲有配菜薯仔粒同洋蔥，依道黃咖哩係非常有驚喜同真心推薦！
溶岩椰青海鮮焗飯
其實未黎食之前都有上網睇下有咩好食，已經見到依個海鮮焗飯既相非常吸引，所以我一坐低就已經立即叫左，一黎到真係完全無令我失望，焗飯賣相真係見到都流口水，而側邊既係裝左原個椰青既椰青水，完全唔洗怕係翻用黎放飯，佢係即叫即開掘空入面既椰青肉同蛋炒飯底一齊放係椰青入面
面頭放左蝦，青口。帶子同芝士輕焗左一下，海鮮隻隻都好大隻厚肉，食得出新鮮，一食第一啖飯係濃郁既椰漿味，
連底層既炒飯都係被椰漿汁沾滿，而且食既時候會食到爽爽既椰青肉，整體食落甜甜地好開胃，份量都非常多，好好食，必點啊！
Post
