Video
Read full review
2024-02-11
116 views
約咗朋友嚟 Airside 逛下，順便買啲賀年禮盒。真係快活不知時日過，行下傾下，眨下眼又到咗晚飯時間。喺B1層見到有間「三點三冰室」，門面以寶藍色為主調，店內裝潢雅致，設有大量梳化座和卡位，環境舒適，今晚就一於喺呢度開餐。嚟到雖然已經過咗三點三，但仍然有好多茶餐美食可供選擇。我哋點咗芝心蝦多士 ($72)、鰻魚滑蛋炸熱狗 ($75)、妙齡乳鴿 ($62@) 同 星洲炒米 ($78)。蝦多士炸到熱辣辣、脆卜卜，內有爆漿流心芝士，蝦肉彈牙有口感，點埋啲沙律醬食，倍添滋味。乳鴿新鮮炸起，大小剛好，皮脆肉嫩又有肉汁，入口香氣充盈，不油不膩，醃得好入味，乳鴿控表示滿意。原條鰻魚滑蛋飯就食得多，但係用嚟配炸熱狗，極具創意。熱狗沾滿麵包糠再炸至金黃色，入口外脆內軟熟，配上肥美鰻魚同香嫩滑蛋，真係無得輸，啱晒相機食先。星洲炒米熱騰騰，上檯時香氣撲鼻，米粉彈牙有鑊氣，配料有蛋絲、叉燒、火腿、蝦仁、韭黃同甜椒，咖喱味道好香濃，但又唔會過辣，做到大酒樓水準。飲品點咗龍鳳檸樂 ($28) 同 黑牛(跟餐+$19)，龍鳳檸樂酸酸甜甜，非常醒胃；黑牛即係朱古力雪糕+可樂，入口冰爽暢快，透心涼。
喺B1層見到有間「三點三冰室」，門面以寶藍色為主調，店內裝潢雅致，設有大量梳化座和卡位，環境舒適，今晚就一於喺呢度開餐。
嚟到雖然已經過咗三點三，但仍然有好多茶餐美食可供選擇。我哋點咗芝心蝦多士 ($72)、鰻魚滑蛋炸熱狗 ($75)、妙齡乳鴿 ($62@) 同 星洲炒米 ($78)。
蝦多士炸到熱辣辣、脆卜卜，內有爆漿流心芝士，蝦肉彈牙有口感，點埋啲沙律醬食，倍添滋味。
乳鴿新鮮炸起，大小剛好，皮脆肉嫩又有肉汁，入口香氣充盈，不油不膩，醃得好入味，乳鴿控表示滿意。
原條鰻魚滑蛋飯就食得多，但係用嚟配炸熱狗，極具創意。熱狗沾滿麵包糠再炸至金黃色，入口外脆內軟熟，配上肥美鰻魚同香嫩滑蛋，真係無得輸，啱晒相機食先。
星洲炒米熱騰騰，上檯時香氣撲鼻，米粉彈牙有鑊氣，配料有蛋絲、叉燒、火腿、蝦仁、韭黃同甜椒，咖喱味道好香濃，但又唔會過辣，做到大酒樓水準。
飲品點咗龍鳳檸樂 ($28) 同 黑牛(跟餐+$19)，龍鳳檸樂酸酸甜甜，非常醒胃；黑牛即係朱古力雪糕+可樂，入口冰爽暢快，透心涼。
Post
