Video
Read full review
2024-11-23
269 views
秋風起，又係時候打邊爐啦，難得平日放假，兩公婆去打邊爐食餐好。係門口睇餐牌時，店員介紹唔同放題套餐嘅分別，仲話惠顧level 4以上嘅放題套餐，就可以食到和洋祭嘅食物。我地揀左「澳洲穀飼黑安格斯牛 + SRF 美國極黑牛放題 + 海鮮放題」， 再加埋「和洋祭」。揀好放題就揀湯底，湯底選擇好多，有北海道昆布湯、蕃茄濃湯、豬骨湯、地獄湯、泡菜同麻辣湯，如果想雙拼，亦可另加＄10。我地揀左黑蒜豚骨湯同蕃茄濃湯，豚骨湯肉味香濃，蕃茄濃湯酸酸甜甜，非常開胃。等候肉同湯底期間，我地先去自助區拎野食。食物總類都好多，有菜、丸、菇、水果、冷盤、飲品同甜品。小食方面，最吸引我嘅係關東煮，湯底味道香甜，值得一讚係穿住配料嘅竹簽上有寫果樣食物係咩黎，非常細心，我揀左鱈魚卷，冬菇同蘿蔔，吸收湯味後真係非常入味，至於日式冷豆腐口感香滑，配上蟹棒肉碎同木魚絲，極有口感。等候湯底滾起期間，我地用QR code落單睇下仲有咩其他火鍋配料。值得欣賞係每一款肉類上台都有標誌，咁就可以清楚知道自己食緊邊款，要再加單都容易啲。澳洲穀飼黑安格斯牛肉質較結實，入口即溶， SRF 美國極黑牛肉質爽，口感豐富，特選牛小排相對地薄身，
係門口睇餐牌時，店員介紹唔同放題套餐嘅分別，仲話惠顧level 4以上嘅放題套餐，就可以食到和洋祭嘅食物。
我地揀左「澳洲穀飼黑安格斯牛 + SRF 美國極黑牛放題 + 海鮮放題」， 再加埋「和洋祭」。
揀好放題就揀湯底，湯底選擇好多，有北海道昆布湯、蕃茄濃湯、豬骨湯、地獄湯、泡菜同麻辣湯，如果想雙拼，亦可另加＄10。我地揀左黑蒜豚骨湯同蕃茄濃湯，豚骨湯肉味香濃，蕃茄濃湯酸酸甜甜，非常開胃。
等候肉同湯底期間，我地先去自助區拎野食。食物總類都好多，有菜、丸、菇、水果、冷盤、飲品同甜品。
小食方面，最吸引我嘅係關東煮，湯底味道香甜，值得一讚係穿住配料嘅竹簽上有寫果樣食物係咩黎，非常細心，我揀左鱈魚卷，冬菇同蘿蔔，吸收湯味後真係非常入味，至於日式冷豆腐口感香滑，配上蟹棒肉碎同木魚絲，極有口感。等候湯底滾起期間，我地用QR code落單睇下仲有咩其他火鍋配料。
值得欣賞係每一款肉類上台都有標誌，咁就可以清楚知道自己食緊邊款，要再加單都容易啲。澳洲穀飼黑安格斯牛肉質較結實，入口即溶， SRF 美國極黑牛肉質爽，口感豐富，特選牛小排相對地薄身，口感細滑，豬肉方面肉味濃郁，入口無豬腥味，至於海鮮，大蝦非常新鮮，咬落爽口鮮甜，相當彈牙，完全唔梅，帆立貝肉身爽口又彈牙，味道鮮甜，至於招牌蝦滑，蝦肉份量十足，口感相當彈牙， 值得一試。除此之外，最令我驚喜嘅係火鍋店都有三文魚刺身，仲係非常肥美，極高質，令我地都叫左好幾轉。
甜品方面，除左有乳酪味軟雪糕同咖啡拖肥味雪糕之外，仲有楊枝甘露，柚子味道非常清新，食完熱辣辣嘅火鍋食返杯，平衡到火鍋嘅油膩感，真係好舒服。
依個套餐仲送咗兩把遮，又食又拎，真係開心。
Post
