池家人煲仔飯

Open Now

Now Closed

朋友講開先知深水埗原來有間人龍煲仔飯，星期五晚飯時間嚟到真係嚇一跳，好多人等位！我哋要等大約20張枱，好彩半個鐘內有位，座位唔叫張張枱都好坐，4人卡座係需要搭枱會比較迫，今次安排到2人卡座，坐得舒服少少。煲仔飯選擇唔叫多，但熱門嘅臘味煲仔飯一定有～叫左個臘味煲仔飯、醬香腩肉煲仔飯同腐乳通菜，估唔到等得最耐係等個煲仔飯，等位都唔夠等煲仔飯耐，煲仔飯等左40分鐘先到。2個煲仔飯都有飯焦但飯略嫌比較濕，臘味煲仔飯好夠香，臘肉肥瘦均勻唔會太鹹，臘腸正常發揮。醬香腩肉煲仔飯好夠味，腩肉唔會勁肥，2個飯都幾好味，但比較起來我會鐘意臘味煲仔飯多啲。最後見每枱都會叫個腐乳通菜，原來都真係幾好食。整體嚟講，$5x 一個煲仔飯都算係咁，算係性價比高。