Lockeroom Dining (朗晴坊) (Closed)

WHF的日常，多咗時間陪屋企人。今日兩仔爺出咗去旺角食咗個Late Lunch。之前食過晚餐，而家冇晚市2:30pm後Set Lunch減$10，仲抵咗。Set Lunch有湯有飽有飲品叫咗個冰鎮鮑魚做前菜，配左個綠色嘅泰國辣汁，鮑魚到煮到入味幾好。佢叫咗個肉眼扒，我加咗杯紅酒俾佢試，杯酒容易入口中偏甜添，牛扒就上次試過啦信得過。今次我叫咗個冬陰功忌廉汁海鮮焗飯，入邊有一大塊魚，鮮油同埋一個青口，最好味係嗰塊魚，肉質結實仲有塊魚皮喺度添。辣辣地咁好開胃。