築地日本料理 (結志街) (Closed)

今日到中環工作，正好中午就約在附近番工的朋友食飯，佢帶左我去呢間餐廳話平時都會同同事來食。店內環境雖然唔大，但好乾淨企理，所以坐落都好舒服。牆上貼滿好多不同的日本電影或動漫海報，有好多都係熟悉既面孔，加上店內播番的日文歌，一幕幕回憶即刻番晒來(算不算露年齡？)午市套餐選擇都算多，魚生飯、熟食應有盡有。🔸築地一口和牛丼賣相唔錯，牛肉份量都好足，食一口牛最怕就係煮得過火以致好韌咬唔開，但今日呢碗飯就做到厚切得來，牛肉又嫩滑。加上最愛的溫泉蛋，配上調味得宜既醬汁同牛肉、珍珠米，本來想食少點飯減肥，都忍唔住食左好多。🔸江戶前冷拉麵天氣太熱，見到有冷拉麵就決定試試佢。雖然配料唔算特別，但全部都係我鍾意既玉子、蟹柳等等。麵條硬度算煙韌而且冰冰涼涼，加上酸酸甜甜既醬汁，真心好開胃！🔸日式海鮮茶碗蒸另外再額外加了茶碗蒸，口感水嫩彈滑，配料份量都適中，當開胃菜唔錯。整體性價比同味道都唔錯，係值得支持的用心小店。