鐵板燒和菊 (Closed)

［食評初體驗］平時好少寫食後感，不過今次真係不得不寫！就快年尾，難得可以出公數請客食飯（當係答謝客人成年既支持），當然揀間高級餐廳去威威。講到要威，點少得日本料理？住左呢區十幾年都知元朗多日本野，但貴價又有質素既唔多，係近呢一兩年先多左以壽司起家既餐廳做賣點。 本身有諗過去果間高級壽司店，但又好似太普通，所以見到有雜誌介紹呢間鐵板燒走和洋風，就一於試下。雖然位置有點隱敝，但勝在遠離大街，加上入面得幾個位全部對住鐵板師傅，感覺好似係日本橫街小巷的店子勁有親切感。諗都唔諗就揀左最貴的二人和菊套餐, 有齊鮑魚龍蝦帶子同A4和牛呢D貴野，起碼唔會得失個客。一路食師傅會一邊講解，感覺好尊貴，而且配搭都幾得意，同食開既鐵板燒唔同。最深刻係個帶子，用菊花煙燻之後加埋菊花茶啫喱，食落好清新的花香，而且帶子生熟度控制得好，入面仲好嫩口，比起我去君悅食既鐵板燒質素差不多。其他的和牛龍蝦都食得出係揼本靚料，所以話聽落二千幾蚊兩個人好似好貴，但其實睇返個用料又唔算貴都OK，見到個客好似食得都幾滿意，而且個師傅又好傾，邊食仲邊請我地飲酒，搞到我個客勁開心，下年D生意有著落！總結： 食物質素好，係宴客既首選！不過