磊犇 (Closed)

今日出旺角行街買嘢俾貓仔們，行經見到呢間自助形式嘅扒房，突然間想据下扒，所以就入咗呢間餐廳喇。佢係自助形式落單，我叫咗個300g 嘅西冷牛扒，我朋友唔好牛肉，所以叫咗個雞肉石頭鍋飯，估唔到餐單設計員都幾細心，照顧到有唔同需要嘅客人。西冷牛扒係鐵板上，一路熱到尾，自己可以調教生熟程度，非常正！牛扒牛肉味濃，唔會話有筋難咬，肉汁豐富，呢個價錢嚟講真係性價比極高。朋友食嘅雞肉石頭飯，材料好豐富，味道亦都好好。我哋仲飲埋菊花茶，洛神花茶，同埋麵豉湯，成件事好美好！