泰筏味泰國船河專門店 (Closed)

放工去旺角街市買些雞翼，發現了有間泰國餐廳，應該是開業不久，因為之前經過都唔多覺眼。既然經過見到，當然入去食個晚餐試試。餐廳主要有飯粉及小食，價錢走低價路線。要先去買票點餐後，就可以坐低等佢送上枱，另外亦有自助餐湯及冷熱水供應。先點了個牛雜船河，只係$15，雖然細細碗，但勝在可以試多幾樣。牛雜河裏面有蘿蔔、牛肚、牛肉、牛腩等，真係樣樣都齊，湯底濃郁，河粉比較寬及腍。泰式海南雞飯的雞而起骨，方便食用，雞肉雖不是新鮮雞，但依然嫩滑，配上薑黃飯及海南雞醬，送飯一流。炸蝦餅炸得外脆，肉質彈牙爽口，是其中一款我最喜愛的小食。燒豬頸肉價錢比普通小食貴，份量約有一塊，表面燒得有點焦香，肉質爽口不會太油膩。洛神花茶有點山渣酸味，酸酸甜甜，非常開胃及去油膩感；椰青味道清甜，但椰香比較十淡。整體味道不錯，款式雖不算多，但價錢抵食，性價比高，平時經過平平地食返餐好過返屋企煮。