山翠熟成牛料理 (Closed)

之前有次路過K11，留意到有一間收收埋埋叫熟成牛嘅日式食店😻，見到個名已經覺得吸引，好想來試下。最近發現佢嘅晚市套餐有七折優惠，都幾抵食，所以特登book位試一試。😋二人套餐包左沙律同湯，一塊牛扒同一客碳燒肉料理。🥩我哋揀咗45日安格斯肉眼扒，同兩周熟成頂級牛腰肉料理。其實兩款牛嘅質量都幾高，肉靚且非常有牛味，尤其個牛腰肉燒到半生熟真係好好食🤤，我覺得性價比好高。肉眼扒同樣係味道好嘅牛，失望位係明明叫五成，切開咗個樣熟過七成，有期望落差囉。服務方面店員好禮貌，但係都有漏單情況出現💰:兩位$348加一