千賀水產の鮮鍋道場 (Closed)

年年生日都係食西餐，今年搞搞新意思，黎銅鑼灣時代廣場附近嘅「千賀水產の鮮鍋道場」食火鍋打邊爐，地方企理而且座得舒服，食物種類多！一坐低店員就會端上安人頭計算嘅食物例如海鮮盛合、五品刺身等等。海鮮盛合嘅海鮮大大隻望落吸引，食落都新鮮刺身質素屬中上，大蝦尤其鮮甜多膏！如果可以無限追加就好啦，中意海鮮嘅人實好開心。唔夠飽的話就可以無限追加某啲打邊爐配料，大胃王都會滿足。或者出去自助吧拎。仲有頭盤、熟食同甜品，十足自助餐嘅形式，想要咩就有咩！湯底揀左冬瓜白雞湯，唔會太濃或者太淡。呢度係銅鑼灣黎講價錢十分相宜，食物質素唔錯，難怪7點左右已經好滿座，想食嘅朋友記得訂位喇！