Video
Read full review
2024-07-17
10185 views
朋友3個人一起聚餐，好友介紹食斗滾，任飲任食有海鮮而且價錢親民，性價比的確好高，所以即使星期四晚，6點半到達都已經坐滿，想食記得要預先book位！我地book左6點半，佢依節時間好似係4點半至8點半。一坐底店員就會介紹佢地個餐，有雞煲+蒸海鮮+火鍋，然後會問想要雞煲的辣度及火鍋湯底！雞煲好快就上枱，店員話係生既，所以要每2分鐘開蓋炒1次，一共要炒4次，會有timer放係到提你。雞煲味道唔錯，個味都唔算咸，好香幾好味，我地出去火鍋自助bar拎左牛柏葉同豬皮，在最初果幾分鐘加落去一齊炒，個味都好夾！食完雞煲就上蒸海鮮，我地叫左唔要烏冬，店舖好有誠意地加左粉絲落去，好入味！蒸海鮮打卡一流，有蝦、蟶子、鮑魚、扁貝、蜆、龍躉！味道唔算全部都勁鮮甜，但鮑魚同龍躉都好味，係蝦口感一般。我地另外加左馬刀貝刺身（$168）！個人認為生食味道未算好鮮甜，但放落火鍋快灼再食會較甜同好味。食完蒸海鮮就上火鍋，叫左烏雞燉湯湯底，味道算濃，可以打邊爐前飲番碗。店員提醒即場like店鋪IG/FB可以無限任食牛頸脊/ 黑豚肉。牛頸脊唔算好重牛味，但切得厚身有咬口但口感一樣好淋，其他火鍋配料可以出自助bar取，可惜當日
我地book左6點半，佢依節時間好似係4點半至8點半。一坐底店員就會介紹佢地個餐，有雞煲+蒸海鮮+火鍋，然後會問想要雞煲的辣度及火鍋湯底！
雞煲好快就上枱，店員話係生既，所以要每2分鐘開蓋炒1次，一共要炒4次，會有timer放係到提你。雞煲味道唔錯，個味都唔算咸，好香幾好味，我地出去火鍋自助bar拎左牛柏葉同豬皮，在最初果幾分鐘加落去一齊炒，個味都好夾！
631 views
0 likes
0 comments
食完雞煲就上蒸海鮮，我地叫左唔要烏冬，店舖好有誠意地加左粉絲落去，好入味！蒸海鮮打卡一流，有蝦、蟶子、鮑魚、扁貝、蜆、龍躉！味道唔算全部都勁鮮甜，但鮑魚同龍躉都好味，係蝦口感一般。
714 views
0 likes
0 comments
我地另外加左馬刀貝刺身（$168）！個人認為生食味道未算好鮮甜，但放落火鍋快灼再食會較甜同好味。
871 views
0 likes
0 comments
食完蒸海鮮就上火鍋，叫左烏雞燉湯湯底，味道算濃，可以打邊爐前飲番碗。店員提醒即場like店鋪IG/FB可以無限任食牛頸脊/ 黑豚肉。牛頸脊唔算好重牛味，但切得厚身有咬口但口感一樣好淋，其他火鍋配料可以出自助bar取，可惜當日7點半已經冇哂蝦同魚，但其他配料都仲有好多選擇。
1990 views
0 likes
0 comments
最後店員會送埋糖水，係椰汁雪燕，好香椰汁味，但個人認為有點甜，不過食完火鍋濃味，再食都還好。
好飽，性價比高，$268/位！店員好有禮貌仲好幫手，會成日主動協助，例如炒雞煲同幫手隔走火鍋湯底的材料。
環境好熱鬧，枱好闊落，但每張枱次間都算迫，成班朋友聚會食野開心，但傾計就可能較嘈有點困難。
Post
