漢龍雞煲烤魚

Open Now

Now Closed

呢一間餐廳雞煲嘅雞質素都真係唔錯，難得，因為好多雞煲店恃住雞煲嘅味又重又濃，於是就可以用啲質素差啲嘅雞肉去整雞煲。湯底滾起先至落雞落去滾，大約滾5至6分鐘就食得，夠晒嫩夠晒滑，啲雞滾起一揭開個煲蓋真係非常香，個雞湯好清甜。食完晒雞飲完晒湯之後就正式開始打邊爐，我地叫咗墨魚滑、韭菜餃、鮮蝦雲吞仲有鮮淮山四樣野，估唔到一份手打墨魚滑有兩條咁多，而且都幾新鮮，食嘅時候都幾彈牙。佢個韭菜餃都唔錯，啲韭菜好香，似乎係自家製，個雲吞都幾新鮮，食隻蝦嘅時候明顯feel到佢新鮮。佢呢度有隻德國麥啤幾好飲，麥味好香。