Video
Read full review
2024-05-08
233 views
5月份除左係母親節，仲係我同唯爸既結婚週年紀念，襯星期五哥哥家長日放半日，我哋入左白石角探朋友，順便係附近食晚飯，朋友介紹左我去 逸瓏灣II期既西餐廳Seek!我哋一家四口，叫左3份晚餐，1份兒童餐，最後再叫左2件cake，全部套餐包嘢飲，又大份，食到好飽！爸爸點左 #果味BBQ豬肋骨配薯條套餐（包小食同飲品$148），豬肋骨好入味，好淋， 連二寶3歲都食到！前菜點左炸蠔，有2件，鬆脆可口！哥哥點左 #紐西蘭草飼肉眼扒配新薯及菜套餐（包小食同飲品$248），鐘意食牛既哥哥，一去到就話點牛扒，因為小朋友食，我點左well done，但牛扒一啲都唔韌，12oz牛扒哥哥一個人食左2/3，大叫飽飽，連跟餐前菜雞翼都食唔晒！我就點左 #香煎海鱸魚配日本南瓜薯蓉套餐 （包小食同飲品$148），我鐘意食煎魚，但係屋企好懶，嫌麻煩，出街點就岩晒！ 兩大片魚，加埋日本清甜南瓜蓉，同埋小食炸蠔2隻，份量好足！魚仲煎得好香脆，大家記得襯熱食！二寶就點左份車車餐盤兒童餐 有 #7寸自選材料pizza半份、配菜 三選一 我哋選左 #雞翼，配 牛油粟西蘭花，果汁（蘋果汁/橙汁）1杯！ Pizza我原以為係餐牌現有
我哋一家四口，叫左3份晚餐，1份兒童餐，最後再叫左2件cake，全部套餐包嘢飲，又大份，食到好飽！
爸爸點左 #果味BBQ豬肋骨配薯條套餐（包小食同飲品$148），豬肋骨好入味，好淋， 連二寶3歲都食到！前菜點左炸蠔，有2件，鬆脆可口！
哥哥點左 #紐西蘭草飼肉眼扒配新薯及菜套餐（包小食同飲品$248），鐘意食牛既哥哥，一去到就話點牛扒，因為小朋友食，我點左well done，但牛扒一啲都唔韌，12oz牛扒哥哥一個人食左2/3，大叫飽飽，連跟餐前菜雞翼都食唔晒！
我就點左 #香煎海鱸魚配日本南瓜薯蓉套餐 （包小食同飲品$148），我鐘意食煎魚，但係屋企好懶，嫌麻煩，出街點就岩晒！ 兩大片魚，加埋日本清甜南瓜蓉，同埋小食炸蠔2隻，份量好足！魚仲煎得好香脆，大家記得襯熱食！
二寶就點左份車車餐盤兒童餐 有 #7寸自選材料pizza半份、配菜 三選一 我哋選左 #雞翼，配 牛油粟西蘭花，果汁（蘋果汁/橙汁）1杯！ Pizza我原以為係餐牌現有款式，原來可以自選材料3款，同醬汁，我選左菠蘿粒、白菌、雞肉，配意式蕃茄醬，新鮮焗起，好好味！
原本叫飽既小朋友，最後又話要食cake，我點左 藍莓cheesecake，茘枝玫瑰cheesecake！為結婚週年紀念晚餐畫上甜美句號！
Post
