Seek

Open Now

Now Closed

之前探中大工作嘅朋友班，每次都係揸車去科學園食飯，但原來附近嘅逸瓏灣II期商場內有更好嘅餐廳選擇，呢度好多Polaroid收藏，可以參觀吓！而且不但大人食嘅慢煮西班牙豬鞍、原隻燒春雞、寶雲酥羊架、紐西蘭草飼肉眼扒好出色，連小朋友嘅兒童餐都咁正，佢哋可以自選pizza配料，超開心😆因為估唔到呢個「隱世」地方咁有驚喜，忍唔住問吓廚師背景，原來佢之前係某大餐廳廚師，但我覺得佢嘅食物質素係比嗰間餐廳更出色，嗰日我見唔到佢唔可以當面讚賞，如果有附近工作/ 住客見到，麻煩幫我搵返俾佢知 👍🏻最後想講，甜品好多選擇，多到令人選擇困難，好彩我哋人多可以試到6款 (朋友話我哋搞到好似酒店自助餐嘅甜品拼盤咁😆）：藍莓芝士切餅石板街凍餅抹茶巴斯克芝士蛋糕原味巴斯克芝士蛋糕大吉嶺麻糬卷蛋跟餐：朱古力心太軟除咗朱古力心太軟我覺得太甜（但朋友話好好食），其他全部蛋糕無論味道同口感都超好，尤其芝士蛋糕好幼滑濃郁，麻糬卷蛋茶味清香配合煙靭Q彈麻糬非常上癮。

高質西餐一定要去酒店同扒房？今時今日唔少小店出品絕對有驚喜！位於大埔嘅Seek就係好有驚喜的小店，有自己bakery出麵包、蛋糕，有靚咖啡，你以為佢係以Cafe定位，但原來晚餐主菜都一樣得🤩😋 柚子雞翼（$48/5隻）炸得好香脆！面嘅柚子醬平衡返油膩感，而且係大size雞翼，呢個價真係好抵食👍🏻🍖 寶雲酥羊架 （$158）喜歡食羊嘅唔好錯過，必食！醃料令到塊羊無乜騷味，而且肉質好腍，有近乎羊腩嘅口感，但仍然有咬口🤤🥩 紐西蘭肉眼扒 （$228）牛扒份量都幾大，如果兩個大人嗌兩樣share可能會比較好。🥩 慢煮豬鞍配南瓜薯蓉（跟餐$168）食得出係靚料豬鞍😌 外面煎得香脆，內裡嫩滑juicy，配帶有甜味嘅南瓜薯蓉好夾～🍗 燒春雞（跟餐$178）連雞胸都唔會「鞋」，配薯條小朋友就最開心😆 🍨 朱古力心太軟（跟餐加$38）晚餐因為甜品而完滿❤ 加$38就有靚靚心太軟，打卡一流🤣 切開流出軟心朱古力醬，控制得啱啱好～ 其實店面甜品櫃仲有好多款！芝士蛋糕、卷蛋⋯ 唯有下次再試

同朋友Gathering，有大人有小朋友，最希望小朋友啱食又有空間唔影響人，bonus係大人都有好野食🤭 朋友就揀咗位於大埔嘅商場餐廳，配套好好泊車都方便～原來餐廳係以攝影為主題，相信老闆應該係攝影發燒友，見到好耐無接觸嘅Polaroid 相機、菲林，真係好有質感～首先要照顧小朋友先有得食🤣 兒童餐真係媽媽恩物💕 重點highlight兒童餐個Pizza係可以自選饀料同醬汁！囡囡就揀咗菠蘿、火腿、千島醬，好開心小朋友全清🥳搞掂啲囡就可以安心開餐，西餐主食都好有水準呀😍寶雲酥羊架👍🏻👍🏻👍🏻My favorite! 羊架煮到好淋，一啲都唔騷😍 以往食羊架我鍾意配薄荷醬，但呢個羊真係就咁食都好好味🤤燒春雞👍🏻👍🏻👍🏻外脆內軟滑，連雞胸都好好食！慢煮豬鞍👍🏻👍🏻👍🏻切落去已經feel到好淋好juicy，外層經香煎好香口～最後梗係要嘆番杯啡😆 同埋食甜品！餐廳有自製嘅麵包、蛋糕、切件蛋糕，連黑糖麥包都有！同朋友share左幾款cake，再加埋set dinner加配嘅心太軟，真係大滿足❤️ 我最鍾意大吉嶺麻薯卷蛋😍 真係好好好好味，味道清新唔太甜，小朋友都啱食～

小朋友病左大半個月都冇出過街今日帶佢去近近地嘅餐廳補補佢科學園附近有間高質西餐廳店內超多懷舊相機，一於就試試佢🔹️ 寶雲酥羊架配新薯 （套餐） $188美式南方炸雞，青檸檬百香果梳打（+$12）是日蛋糕（+$20）本人好鍾意食羊架，一般餐廳多數係香草煎/焗，太普通了寶雲酥羊架係一道法國菜式外層酥脆，內層肉汁豐富，令人無法抗拒🔹️紐西蘭草飼肉眼扒配新薯及菜(12oz) （套餐）$248特濃朱古力（+$12）小朋友最鍾意食牛扒，好厚好大件，起初仲擔心會韌，小朋友試左一啖後大讚👍🏻又淋又juice🔹️香煎石斑柳配南瓜薯蓉 $118啖啖嫩滑嘅魚肉加健康南瓜蓉，一試愛上🔹️煙三文魚雞蛋紅菜頭日本紫甘薯南瓜藜麥沙律（套餐）$148煙燻味適中，唔會太濃味兼過硬，紅菜頭本身非常淡味可以夾紫甘薯仔嘅甜一齊食，清啖口味人士可以一試。

科學園終於有間味道幾好既餐廳，幫襯過三次，整體食物質數都不錯，份量都足夠，選擇都算多，如果價錢可以平返少少會經常幫襯😆咖啡有驚喜，南瓜薯蓉都好食，希望可以保住水準！

快要搬過嚟白石角喇唔洗下下行到去科學園逸瓏灣條「地下街」已經有嘢食今日搬完一輪嘢超攰超熱立即過嚟嘆返個tea set價位同一般cafe相約獨市嚟講又真係冇特別話好貴我覺得可以接受環境寬敞好坐，非繁忙時段冇限時呢排忙到飛起，認真要放空一下😮‍💨Tea set以輕食為主牛油果+煙三文魚牛角包個牛角包好大個😱要用刀叉食先對得住個呢個size 雞扒蜜糖芥末漢堡呢個都唔錯，雞扒熱辣辣，幾厚包有烘過，所以特別香脆個包都幾大個，男人成個食還可以女仔我估都係要用刀叉食先得🙈炸雞柳條拼薯條炸雞帶啲啲辣勁，seasoning唔錯炸得冇過火，皮脆肉辣肥粗薯條，鍾意薯條啖啖肉嘅must likeSet包飲品一杯，特飲加錢換購心水係橙啡，甜甜地又苦苦地Dirty，凍奶同熱espresso至佳組合Latte附精美拉花❤️（重點係賞心悅目）另有light menu可以食件cake飲杯啡有機會會嚟試吓佢哋嘅甜品先😋太好啦搵到一間屋企附近嘅心水餐廳✌️

平時🐣旦旦同嵐嵐🐶放假，我同爸爸都會帶佢哋周圍去玩下，我哋一家就最鍾意同陽光玩遊戲☀️，所以成日都會帶佢哋去科學園踩下單車🚴🏻、玩下scooter🛴同roller skates 🛼咁，等佢哋出下汗，放下佢哋電咁☺️咁玩完就緊係要搵地方醫下肚仔啦，今次比我地搵到逸瓏灣嘅Seek，泊車仲要只係$16個鐘，真係好方便。今次我哋叫咗4個午餐一家人share，大人細路都食得好開心😍我哋叫咗慢煮雞胸雞蛋紅菜頭日本紫甘薯南瓜藜麥沙律（午餐連飲品$88）🥗，本身呢個係媽媽諗住自私食，點知兩個小朋友都食到停唔到口，今次仲係佢哋第一次食紅菜頭同藜麥😝，紫金薯同南瓜都好甜，淨係細佬一個都食咗我3分1🥹雜菌黑松露扁意粉，仲有得揀加雙份黑松露😋，一上就好香，呢個係旦旦🐣自己揀嘅，因為佢真係意粉迷🤭，個汁香濃得黎又一啲都唔漏👍另外我哋仲叫左原條蒲燒鰻魚滑蛋飯（午餐連飲品$98）同果味BBQ豬肋骨配薯條（午餐連飲品$98），平時豬肋骨呢啲相對比較難處理嘅嘢食，小朋友都咬一啖就耍手兼擰頭，今次豬肋骨係超淋，旦同細佬都完全自己一個人食到，仲食到條骨好乾淨😂，而鰻魚滑蛋飯，鰻魚份量好有誠意，亦有外脆內軟嘅感覺，加埋滑蛋真係好

#科學園隱世必吃餐廳說好慶祝就慶祝，不過今次不是我的點子，是公公預祝他寶貝小孫女考試sssss成功的盛宴，是的，芭蕾舞試遇上學校大考，感覺是豁了出去，預計未來數星期也要吃著風努力溫習... 這天，公公帶我們去了一個隱世地點，走進大埔逸瓏灣，在神秘的商場一角，找到了這家高質西餐SEEK，真的有點seeking的feel～想不到由小食到主菜都很有水準，連兒童餐也不馬虎，我家的嘴刁兒童也很滿意！#慢煮雞胸紅菜頭藜麥沙律（套餐價：$128）十分清新的一款，特別為婆婆而點：）慢煮雞胸嫩香juicy，完全不像雞胸，配上紅菜頭藜麥，添了口感也添了一份健康感！ #紐西蘭草飼肉眼扒（套餐價：$248）公公最愛的牛扒來了～是水準之上的驚喜！肉質鬆軟中不失口感，能夠保持juicy又不會滲血，而且牛香濃郁^_^公公大讚啊～#自選pizza兒童餐（套餐價：$78）可愛的車車裡是小朋友最愛的pizza和薯條，想不到竟然是香口的脆底薄批，更可以自選餡料，我們就選了最愛的雞肉蘑菇，鋪得滿滿的～大滿足～#明太子意粉最最驚喜的是這個意粉，軟香不失彈牙，而且掛汁一流～想不到雖然用了明太子，但一點都不辣，卻換成了一份鮮香，再

呢間餐廳喺逸瓏灣嘅商場內對出馬路已經有露天時租停車場夠晒方便好鍾意呢間餐廳嘅裝潢有一面牆掛滿不同嘅菲林再加啲Polaroid 相片Vintage得嚟仲好型格喵奴都順勢同兩位公子講吓咩係「 菲林」「菲林相」又係點曬出嚟食物方面我哋叫咗4個晚餐set瑪格烈特薄餅餐：以前唔敢嗌呢款PIZZA因為怕啲仔唔鍾意羅勒葉嘅味道估唔到哥哥一試愛上仲話想食多件不過sorry個個都想食唯有下次再嗌過香煎海鱸魚配日本南瓜薯蓉餐：海鱸魚大件得嚟又香脆再配上幼滑嘅南瓜蓉清甜又健康紐西蘭草飼肉眼扒配新薯及菜餐：我哋叫咗5成熟牛扒肉質鮮嫩又juicy而且草飼牛肉出名脂肪少唔會太過肥膩以前試過鋸扒切走晒啲肥肉得返2/3食得落今次成塊扒都食得晒感覺健康啲又冇咁浪費脆香巴馬火腿卡邦尼扁意粉餐：意粉比較偏淡因為上面有脆香巴馬火腿整碎再撈落意粉度就鹹返啲所以我先夾起未撈火腿嘅意粉俾兩個仔再同老公品嘗撈咗火腿嘅卡邦尼扁意粉一碟意粉兩種味道啱晒一家大細食！套餐附上雞翼2件或吉列炸蠔2件雞翼酥脆多肉感覺有啲似M記嘅唔辣雞翼炸蠔唔會太厚粉我又唔會吹到好似生蠔咁好食嘅但咁嘅價錢有炸蠔食性價比已經贏晒飲品我哋有加錢轉特飲有咖啡有特濃朱古

5月份除左係母親節，仲係我同唯爸既結婚週年紀念，襯星期五哥哥家長日放半日，我哋入左白石角探朋友，順便係附近食晚飯，朋友介紹左我去 逸瓏灣II期既西餐廳Seek!我哋一家四口，叫左3份晚餐，1份兒童餐，最後再叫左2件cake，全部套餐包嘢飲，又大份，食到好飽！爸爸點左 #果味BBQ豬肋骨配薯條套餐（包小食同飲品$148），豬肋骨好入味，好淋， 連二寶3歲都食到！前菜點左炸蠔，有2件，鬆脆可口！哥哥點左 #紐西蘭草飼肉眼扒配新薯及菜套餐（包小食同飲品$248），鐘意食牛既哥哥，一去到就話點牛扒，因為小朋友食，我點左well done，但牛扒一啲都唔韌，12oz牛扒哥哥一個人食左2/3，大叫飽飽，連跟餐前菜雞翼都食唔晒！我就點左 #香煎海鱸魚配日本南瓜薯蓉套餐 （包小食同飲品$148），我鐘意食煎魚，但係屋企好懶，嫌麻煩，出街點就岩晒！ 兩大片魚，加埋日本清甜南瓜蓉，同埋小食炸蠔2隻，份量好足！魚仲煎得好香脆，大家記得襯熱食！二寶就點左份車車餐盤兒童餐 有 #7寸自選材料pizza半份、配菜 三選一 我哋選左 #雞翼，配 牛油粟西蘭花，果汁（蘋果汁/橙汁）1杯！ Pizza我原以為係餐牌現有

假期照外出遊車河加食一頓美食吧！開心🥳就係咁簡單！.下雨天少少掃興，但今日去了新地方逛逛，再加食到一間美味嘅午餐😚😚 #變成滿足的一天！.如果大家去開大埔/科學園果邊，不妨一試這間高質西餐廳🍴，當日來嘅時候都7-8成滿，年輕、年長、一家大小都有，店員都盡量快快地安排入座！.喜歡店內簡約設計，其中一個角落看到店主Seek 👀👀 You will find 嘅菲林收藏.食物上枱一刻😍掃走了這日下雨天的壞心情.細佬至愛❤️全日英式早餐🍳.很豐富嘅早餐🥰 煙三文魚、煙肉、腸、滑蛋、粟米、車厘茄、露荀、沙律、多士！色彩鮮艷，特別喜歡滑蛋熱烘烘又入口即化，露荀煎過特別香甜！ 推介嘅心思思想多食唔同款式食物的你！.海馬仔至愛❤️原條蒲燒鰻魚滑蛋飯.呢個CP值超高！原條鰻魚好大條呀😱 仲好肥厚！碟上的不是S size鰻魚，可見老闆落重本嘅菜式（價錢都係$136😱） 味道係非常可口，鰻魚外脆內軟，飯配上鰻魚燒汁和滑蛋，海馬仔一人食咗1/2碟😂.爸爸之選❤️香煎海鱸魚配日本南瓜薯蓉（跟意粉/飯）.平時好少見有海鱸魚🐟，呢度有就試試看！魚皮煎完香脆，魚肉保持到軟滑😋份量又係大大份😙，下面有南瓜薯蓉仲跟多客意粉，一

逸瓏灣居民終於等到一間新的甜品咖啡店，和老公每天路過都覺得麵包和蛋糕很誘人。croissant14元一個都覺得好便。我茶控忍不住想試試看抹茶捲蛋，想不到好驚喜，抹茶味濃，正，而且甜度啱啱好，捲蛋幾口就消滅掉完全不會膩老公點的板栗芝士蛋糕我覺得一般般，芝士口感不好感覺是被冰凍久了，而且太甜沒有栗子味

好耐冇寫過食評喇...今次寫主要係覺得要留住有心嘅小店🥹 真係希望大家支持吓！因為喺附近返工，老實講，科學園都食到口淡淡啦⋯⋯啲嘢又唔平、食物質素又有待改進...而呢間小店就係同事先介紹話咖啡好飲，去試咖啡先嘅～又真係有驚喜喎，需知道咖啡攤凍咗都好飲係件好難得嘅事。去咗幾次之後就發現原來有堂食！望落去堂食唔多人得幾枱客，都係附近居民，有老人家（好潮）又有外藉人士又有小朋友，心諗應該唔錯🤩 而且試業期間仲有九折即免加一。一坐低侍應就會斟室溫檸水（幾好），用QR code落單後，即叫即煮，感覺都冇等好耐就嚟咗😍 同同事都叫咗明太子海鮮意粉，意粉口感彈牙，醬汁好足，賣相唔錯，香氣撲鼻，口感...滿足。我本身就唔識分海鮮係咪新鮮定急凍，只有彈牙爽口好食同發霉冇口感難食。我推堂食咁緊係前者啦！🥰好味呀！齋啡一如以往水準發揮💓 埋單嗰陣忍唔住同型女barista(真係好型）讚下佢哋🥹 等佢哋都有信心繼續做落去！開心。

住喺呢度嘅朋友介紹我嚟試下，因為朋友知我有玩開菲林相機，事前睇相已經覺得好正！現場真係好震撼！好多菲林！仲有寶麗來相機！一路食嘢，一路畀啲珍藏包圍，好有feel！食物方面，叫咗個燒烤菇雜菌pizza，係脆底，比較似外國pizza，但又厚身少少，反正唔係嗰啲港式pizza，足料好味。咖啡都唔錯，唔係啲cheap豆。牛扒個汁少咗啲，牛味肉質都ok。因為兩個人食，試唔到太多嘢食，但見到隔籬枱嗌意粉，賣相都唔錯，下次有機會再試。總括嚟講，係一間有特色有質素嘅餐廳，下次可以帶朋友嚟打卡！

住咗喺逸瓏灣年幾，一直無啖好食，得一間酒樓，茶餐廳都無間。呢間嘢由開始裝修，我就留意住，心想佢係開茶餐廳，後來聽聞係開西餐廳，都好啦！裝修咗幾個月，遲遲都未開張，開咗之後有時又太多人。今日終於試到，西餐嚟講，算唔錯👍🏻叫咗個香辣鳳尾蝦扁意粉，蝦夠大隻，有誠意，份量適中，味道唔錯！檸檬百香果梳打好飲！蟹肉青蘋果沙律，沙律菜好新鮮，柚子汁同個蟹肉幾夾！環境方面，裝修都幾有心思，好有懷舊feel，文青feel，會再幫襯，下次試吓其他嘢食。